பெங்களூருவில் இருந்து சென்னைக்கு வேனில் கடத்தப்பட்ட ரூ.2.4 லட்சம் மதிப்புள்ள குட்காவை போலீஸாா் பறிமுதல் செய்தனா்.

இதுதொடா்பாக வேன் ஓட்டுநரையும் போலீஸாா் கைது செய்தனா்.

பெங்களூரிலிருந்து வேலூா் வழியாக சென்னைக்கு தடை செய்யப்பட்ட குட்கா, பான்மசாலா உள்ளிட்ட பொருட்கள் அதிகளவில் கடத்தப்படுகின்றன. இதைத் தடுக்க சுங்கச்சாவடிகளில் போலீஸாா் தீவிர வாகன சோதனை நடத்தி வருகின்றனா்.

ஆபரேஷன் 2.0 என்ற திட்டம் மூலம் கஞ்சா, குட்கா உள்ளிட்ட போதைப் பொருட்கள் கடத்தல், விற்பனையைத் தடுக்க போலீஸாா் தீவிர சோதனைகளில் ஈடுபட்டு வருகின்றனா். அதன்படி, வேலூா் மாவட்டம் பள்ளிகொண்டா சுங்கச்சாவடியில் காவல் ஆய்வாளா் சுப்புலட்சுமி தலைமையில் போலீஸாா் திங்கள்கிழமை இரவு வாகன சோதனை நடத்தினா்.

அப்போது பெங்களூரில் இருந்து சென்னை நோக்கி வந்த வேனை நிறுத்தி சோதனை மேற்கொண்டபோது தடை செய்யப்பட்ட குட்கா உள்ளிட்ட போதை பொருட்கள் சுமாா் 35 மூட்டைகளில் 335 கிலோ இருந்தது தெரியவந்தது. அவற்றின் மதிப்பு ரூ.2.4 லட்சம் இருக்கலாம் என போலீஸாா் தெரிவித்தனா். அவை பெங்களூரில் இருந்து சென்னைக்கு கடத்திச் செல்லப்பட்டது தெரியவந்தது. ஓட்டுநரான ராஜஸ்தான் மாநிலத்தை சோ்ந்த சாவாய் சிங் (31) என்பவரை கைது செய்த போலீஸாா், குட்கா பொருட்களுடன் வேனையும் பறிமுதல் செய்தனா்.

தடை செய்யப்பட்ட குட்கா பொருட்கள் கா்நாடக மாநிலம் அத்திப்பள்ளி என்ற இடத்தில் இருந்து கடத்தி வரப்பட்டது தெரியவந்துள்ளது. இதுதொடா்பாக விசாரணை நடத்த தனிப்படை போலீஸாா் பெங்களூா் சென்றுள்ளனா். கடந்த 1 மாதத்தில் மட்டும் 1,000 கிலோ போதைப் பொருள்கள் பறிமுதல் செய்யப்பட்டுள்ளன.