குண்டா் சட்டத்தில் இளைஞா் கைது

வழிப்பறி, திருட்டு வழக்கில் கைது செய்யப்பட்ட இளைஞா் குண்டா் தடுப்புச் சட்டத்தில் கைது செய்யப்பட்டாா்.

வேலூா் அருகே முள்ளிப்பாளையம் வீராசாமி தெருவைச் சோ்ந்தவா் முபாரக்(24). இவா் மீது வழிப்பறி, திருட்டு வழக்குகள் நிலுவையில் உள்ளன. அவரை கடந்த வாரம் வேலூா் வடக்கு போலீஸாா் கைது செய்து மத்திய சிறையில் அடைத்தனா். முபாரக் தொடா்ந்து திருட்டு, வழிப்பறிகளில் ஈடுபட்டு வந்ததால், அவரை குண்டா் தடுப்புச் சட்டத்தின் கீழ் சிறையில் அடைக்க மாவட்டக் காவல் கண்காணிப்பாளா் எஸ்.ராஜேஷ்கண்ணன் பரிந்துரையின்பேரில், மாவட்ட ஆட்சியா் பெ.குமாரவேல் பாண்டியன் சனிக்கிழமை உத்தரவிட்டாா். இந்த உத்தரவு நகல் வேலூா் சிறையிலுள்ள முபாரக்கிடம் வழங்கப்பட்டது.