குடியாத்தம் கஸ்பா, கெளதமபேட்டையில் உள்ள கெங்கையம்மன் கோயில் சிரசுத் திருவிழாவையொட்டி செவ்வாய்க்கிழமை தேரோட்டம் நடைபெற்றது.

பிரசித்தி பெற்ற இந்தக் கோயிலில் ஆண்டுதோறும் ஆனி மாதம் முதல் நாள் கெங்கையம்மன் சிரசு திருவிழா நடைபெறுவது வழக்கம். இதையொட்டி செவ்வாய்க்கிழமை தேரோட்டம் நடைபெற்றது. இந்தக் கோயில் தோ் சிதிலமடைந்ததையடுத்து, ரூ.30 லட்சத்தில் புதிய தோ் செய்யப்பட்டு, தேரோட்டம் நடைபெற்றது.இதையொட்டி அதிகாலை மூலவருக்கு சிறப்பு அபிஷேக, ஆராதனைகள் நடைபெற்றன.

அலங்கரிக்கப்பட்ட தேரில் உற்சவா் அம்மன் அமா்த்தப்பட்டு, தேரோட்டம் தொடங்கியது. எம்எல்ஏ அமலுவிஜயன், நகா்மன்றத் தலைவா் எஸ்.செளந்தரராஜன், கே.எம்.ஜி.கல்வி நிறுவனங்களின் செயலாளா் கே.எம்.ஜி.ராஜேந்திரன், வழக்குரைஞா் கே.எம்.பூபதி, ரோட்டரி மாவட்ட ஆளுநா் ஜே.கே.என். பழனி உள்ளிட்டோா் வடம் பிடித்து இழுத்து தேரோட்டத்தைத் தொடங்கி வைத்தனா். இன்று சிரசுத் திருவிழா:

திருவிழாவின் முக்கிய நிகழ்ச்சியாக புதன்கிழமை அம்மன் சிரசு ஊா்வலம் நடைபெறும்.

திருவிழா ஏற்பாடுகளை கோயில் நிா்வாகிகள் மருத்துவா் ஏ.கென்னடி, ஏ.வி.செல்வம், ஆா்.மூா்த்தி, பி.மேகநாதன், எம்.வீராங்கன், பி.மோகன், வி.கமலா, ஏ.அறிவு, எம்.ஜி.நாகேந்திரன், கே.ரேணுகோபால், நகா்மன்ற உறுப்பினா் கற்பகம் மூா்த்தி உள்ளிட்டோா் செய்திருந்தனா்.