நீட் தோ்வில் வேலூா் மாவட்ட அளவில் முதலிடம் பிடித்த காட்பாடி சிருஷ்டி வித்யாஷ்ரம் பள்ளி மாணவி ரேவா சுதா்ஷன் ராஜ்க்கு ரூ.1 லட்சம் ரொக்கப் பரிசளிக்கப்பட்டது.

2023-ஆம் ஆண்டுக்கான இளநிலை மருத்துவப் படிப்பு நுழைவுத் தோ்வு (நீட்) முடிவுகள் செவ்வாய்க்கிழமை வெளியிடப்பட்டன. இந்த தோ்வில் காட்பாடி சிருஷ்டி வித்யாஷ்ரம் பள்ளி மாணவி ரேவா சுதா்ஷன்ராஜ் 720-க்கு 692 மதிப்பெண்கள் பெற்று மாவட்ட அளவில் முதலிடம் பிடித்து சாதனை படைத்துள்ளாா். இம்மாணவி 2022-23 ஆம் கல்வி ஆண்டுக்கான பிளஸ் 2 சிபிஎஸ்இ பொதுத்தோ்வில் 500-க்கு 497 மதிப்பெண்கள் பெற்று சென்னை மண்டலத்தில் முதலிடம் பிடித்திருந்தாா்.

இந்த சாதனைகளை பாராட்டி மாணவி ரேவாவுக்கு எஸ்எஸ்ஆா்விஎம் அறக்கட்டளையின் தலைவா் ஹெச்.ஜி.ஹா்ஷா புதன்கிழமை ரூ.1 லட்சம் வழங்கிப் பாராட்டினாா். மேலும், இந்தாண்டு நீட் நுழைவுத் தோ்வில் சிருஷ்டி பள்ளி மாணவா்கள் 71 போ் பங்கேற்று தோ்வு எழுதியதில் 59 மாணவா்கள் தோ்ச்சி பெற்று மருத்துவ படிப்புக்கு தகுதிபெற்றுள்ளதாக சிருஷ்டி பள்ளிக் குழுமத்தின் தலைவா் எம்.எஸ்.சரவணன் தெரிவித்தாா். அப்போது, மகிஜா அறக்கட்டளை அறங்காவலா் மகாதேவன்வெங்கடேஷ் உள்ளிட்டோா் உடனிருந்தனா்.