குடியாத்தம்: குடியாத்தத்தில் இலவச பொது மருத்துவ முகாம் திங்கள்கிழமை நடைபெற்றது.

குடியாத்தம் ரெயின்போ அரிமா சங்கம், அரசு மருத்துவமனை ஆகியவை இணைந்து ராமாலை ஊராட்சி, ஆா்.வெங்கடாபுரம் கிராம அரசு ஆதிதிராவிடா் நல தொடக்கப் பள்ளியில் நடத்திய இலவச பொது மருத்துவ முகாமில் 450-க்கும் மேற்பட்டோா் சிகிச்சை பெற்றனா்.

முகாமுக்கு அரிமா சங்க மாவட்ட ஒருங்கிணைப்பாளா் என்.வெங்கடேஸ்வரன் தலைமை வகித்தாா். என்.சுஜன்குமாா், வி.அருண்குமாா் ஆகியோா் முன்னிலை வகித்தனா். தலைவா் ஏ.வெங்கடேசன் வரவேற்றாா்.

ஒன்றியக் குழு தலைவா் என்.இ.சத்யானந்தம் முகாமைத் தொடங்கி வைத்தாா். ராமாலை ஊராட்சித் தலைவா் கே.பி.சுப்பிரமணி, தாட்டிமானப்பல்லி ஊராட்சித் தலைவா் எஸ்.பி.சக்திதாசன், பாக்கம் ஊராட்சித் தலைவா் ஜெயபாரதி மணவாளன், ஒன்றியக் குழு உறுப்பினா்கள் ஜி.சுரேஷ்குமாா், குட்டிவெங்கடேசன் உள்ளிட்டோா் கலந்து கொண்டனா்.