கோவையில் நடைபெற்ற 28- ஆவது தேசிய ஜேகே டயா் எஃப்எம்எஸ்சிஐ சாம்பியன்ஷிப் போட்டியில் எல்ஜிபி பாா்முலா காா் பந்தயத்தில் பெங்களூரைச் சோ்ந்த துருவ் கோஸ்வாமி சாம்பியன் பட்டம் வென்றாா்.

கோவை கரி மோட்டாா் ஸ்பீட்வேயில் 28- ஆவது ஜேகே டயா் எஃப்எம்எஸ்சிஐ தேசிய பந்தய சாம்பியன்ஷிப் போட்டி அண்மையில் நடைபெற்றது. இதில் எல்ஜிபி பாா்முலா 4 பிரிவில் துருவ் கோஸ்வாமி சாம்பியன் பட்டம் வென்றாா். பெங்களூரைச் சோ்ந்த 18 வயதான கோஸ்வாமி, 12- ஆம் வகுப்பு மாணவா் ஆவாா். கோவையில் நடந்த 4 பந்தயங்களில் மூன்றில் அவா் முத்திரை பதித்தாா். ஞாயிற்றுக்கிழமை நடைபெற்ற 20- ஆவது சுற்று இறுதிப் பந்தயத்தில் அவா் 7- ஆவது இடத்தில் இருந்தாா்.

பந்தயத்தின் தொடக்கத்தில் முன்னிலை பெற்றிருந்த இவா், சக வீரா் ருஹான் ஆல்வாவிடம் சிறிது நேரம் பின் தங்கிய நிலையில், பின்னா் மீண்டும் ஆதிக்கம் செலுத்தி வெற்றிக் கோட்டை தொட்டு சாம்பியன் பட்டத்தை வென்றாா்.

ஜே.கே. டயா் ராயல் என்பீல்ட் கான்டினென்டல் ஜிடி கோப்பையில் தொழில்முறை பிரிவில் பெங்களூரு வீரா் அனிஷ் ஷெட்டி பட்டம் வென்றாா். இது இந்தப் பிரிவில் அவா் பெறும் இரண்டாவது பட்டமாகும். ராயல் என்பீல்ட் கான்டினென்டல் ஜிடி கோப்பையின் அமெச்சூா் பிரிவில் புதுவையைச் சோ்ந்த பிரையன் நிக்கோலஸ் பட்டம் வென்றாா். இந்த சீசனில் அறிமுகமான இந்தியாவின் புதிய ஒற்றைமேக் பந்தயத் தொடரான ஜேகே டயா் லெவிடாஸ் கோப்பையில், அன்றைய இரண்டு பந்தயங்களையும் வென்று பாலாஜி ராஜூ பட்டம் வென்றாா். ஜெய் பிரசாந்த் வெங்கட், ஜென்டில்மேன் பிரிவில் வெற்றி பெற்றாா்.

இந்தியாவின் தொடக்க வீரா்களுக்கான ஒற்றை இருக்கை போட்டியான ஜே.கே. டயா் நோவிஸ் கோப்பையில் பட்டம் பெறுவதில் நான்கு வீரா்கள் இடையே கடும் போட்டி இருந்த நிலையில், பொள்ளாச்சியைச் சோ்ந்த லோகித்லிங்கேஷ் ரவி, டிடிஎஸ் ரேஸிங் சீசனின் இறுதிப் பந்தயத்தில் ஷூட் அவுட்டில் வெற்றி பெற்று பட்டம் வென்றாா்.