தமிழை 8ஆம் வகுப்பு வரை கட்டாயப் பயிற்று மொழியாக அறிவிக்க வேண்டும்

தமிழை 8ஆம் வகுப்பு வரை கட்டாயப் பயிற்று மொழியாக அறிவிக்க வேண்டும் என்று தமிழக முதல்வருக்கு பேரூராதீனம் சாந்தலிங்க மருதாசல அடிகளாா் வேண்டுகோள் விடுத்துள்ளாா்.

தமிழ்நாடு தினத்தையொட்டி அவா் வெளியிட்ட வாழ்த்து செய்தியில் கூறியிருப்பதாவது:

உலக நாகரீகத்துக்கு எல்லாம் தொட்டிலாகவும், உலக மொழிகளுக்கு எல்லாம் தாயாகவும் தமிழ் மொழி திகழ்கிறது. அத்தகைய தமிழைப் பேணி பாதுகாக்க வேண்டும். குறிப்பாக நம்முடைய திருமுறை ஆசிரியா்களும், ஆழ்வாா்களும் அவா்களுடைய பங்களிப்பை நல்கியது நம்முடைய சமயத்தை அயல் சமயத்திந் தாக்கத்தில் இருந்து காப்பதற்குப் பெரிதும் துணைநின்றது.

எதிா்காலத்தில் உலகத்துக்கு எல்லாம் சமயத் துறையிலும், சமுதாயத் துறையிலும், பண்பாட்டிலும் வழிகாட்டுவதாக தமிழ்நாடு திகழ வாழ்த்துகிறேன். தமிழைக் கட்டாயமாக எட்டாம் வகுப்பு வரை பயிற்று மொழியாக அறிவிக்க முதல்வா் எடப்பாடி பழனிசாமி முயற்சி மேற்கொள்ள வேண்டும். அதற்கு பேரூராதீனமும், வளா் தமிழ் இயக்கமும் உறுதுணையாய் இருக்கும்.

அரசுப் பள்ளி மாணவா்களுக்கு 7.5 சதவீத இட ஒதுக்கீடு வழங்கியது பாராட்டுக்குரியது. மேலும், தமிழ் வழியில் படித்த மாணவா்களுக்கும் ஒதுக்கீடு வழங்க வேண்டும் என கேட்டுக்கொள்வதாக தெரிவிக்கப்பட்டுள்ளது.