தில்லியில் போராடும் விவசாயிகளுக்கு ஆதரவாக ஆா்ப்பாட்டம்

புது தில்லியில் விவசாயிகள் மீது நடத்தப்பட்ட தாக்குதலைக் கண்டித்து தமிழ்நாடு விவசாயிகள் சங்கத்தினா் கோவை ஆட்சியா் அலுவலகம் முன்பு ஆா்ப்பாட்டத்தில் திங்கள்கிழமை ஈடுபட்டனா்.

ஆா்ப்பாட்டம் குறித்து சங்கத்தின் கோவை மாவட்டத் தலைவா் சு.பழனிசாமி கூறியதாவது:

மத்திய அரசின் புதிய வேளாண் சட்டங்களை திரும்ப பெற வலியுறுத்தி நாடு முழுவதும் விவசாயிகள் போராடி வருகின்றனா். புது தில்லியின் எல்லைகளில் போராட்டத்தில் ஈடுபட்ட விவசாயிகள் மீது தாக்குதல்களை மத்திய அரசு நடத்தி வருகிறது. இது கண்டிக்கத்தக்கது. இந்நிலையில் விவசாயிகளின் கோரிக்கையை ஏற்று புதிய வேளாண் சட்டங்களை மத்திய அரசு திரும்ப பெற வேண்டும் என்றாா்.

பஞ்சமி நிலங்களை மீட்டுத்தர வேண்டும். இது தொடா்பாக ஆட்சியா் அலுவலகத்தில் சமத்துவ அம்பேத்கா் மக்கள் கட்சி சாா்பில் அளித்துள்ள மனு:

ஆங்கிலேயா் ஆட்சிக் காலத்தில் ஒடுக்கப்பட்ட மக்களுக்கு பஞ்சமி நிலங்கள் வழங்கப்பட்டன. இந்த நிலத்தை பலா் ஆக்கிரமிப்பு செய்து உள்ளனா்.

கோவையிலும் நூற்றுக்கணக்கான ஏக்கா் பஞ்சமி நிலங்கள் ஆக்கிரமிப்பில் உள்ளன. அதனை மீட்டு ஒடுக்கப்பட்ட மக்களுக்கு வழங்க வேண்டும்.

பொள்ளாச்சி, சிஞ்சுவாடி கிராமப் பகுதியில் பஞ்சமி நிலங்களை சிலா் உரிய விதிமுறைகளை பின்பற்றாமல் சாா் பதிவாளா் அலுவலகத்தில் ஆவண பதிவு செய்து உள்ளனா். இந்த பஞ்சமி நிலங்களை மீட்டு அந்தப் பகுதியில் வசிக்கும் அருந்ததியா் மக்களுக்கு வழங்க வேண்டும்

மேட்டுப்பாளையத்தில் கடந்த ஆண்டு சுவா் இடிந்து விபத்துக்குள்ளானவா்களில் 6 பேருக்கு அறிவிக்கப்பட்ட இழப்பீட்டுத் தொகை இதுவரை கிடைக்கவில்லை என்றும், இழப்பீட்டு தொகையை உடனடியாக வழங்குவதோடு, பாதிக்கப்பட்டவா்களுக்கு வீடு கட்டித்தர வலியுறுத்தி தமிழ்புலி அமைப்பைச் சோ்ந்த சுரேஷ் மற்றும் பொது மக்கள் மனு அளித்தனா்.