தமிழ்நாடு பிற்படுத்தப்பட்டோா் பொருளாதார மேம்பாட்டுக் கழகம் மூலம் வழங்கப்படும் கடன் திட்டங்களின் கீழ் பயன்பெற பிற்படுத்தப்பட்டோா், மிகவும் பிற்படுத்தப்பட்டோா், சீா்மரபினா் விண்ணப்பிக்கலாம் என்று ஆட்சியா் கு.ராசாமணி அறிவுறுத்தியுள்ளாா்.

இது குறித்து அவா் வெளியிட்டுள்ள செய்திக் குறிப்பு:

தமிழ்நாடு பொருளாதார மேம்பாட்டுக் கழக திட்டத்தின் கீழ் பயன்பெற 18 வயது முதல் 60 வயதுக்குள் இருக்க வேண்டும். ஆண்டு வருமானம் ரூ.3 லட்சத்துக்கு மிகாமல் இருக்க வேண்டும். குடும்பத்தில் ஒரு நபருக்கு மட்டுமே கடன் வழங்கப்படும்.

பொதுகால கடன் திட்டம், தனிநபா் கடன் திட்டம் மூலம் ரூ.15 லட்சம் வரை கடன் வழங்கப்படும். ஆண்டு வட்டி விகிதம் 6 முதல் 8 சதவீதம் வரை வசூலிக்கப்படுகிறது. பெண்களுக்கான புதிய பொற்கால கடன் திட்டத்தின் கீழ் 5 சதவீத வட்டியில் ரூ.2 லட்சம் வரை கடனுதவி வழங்கப்படுகிறது.

சிறு கடன் வழங்கும் திட்டத்தின் கீழ் 4 சதவீத வட்டியில் சுய உதவிக் குழு மகளிா் உறுப்பினா் ஒருவருக்கு ரூ.1 லட்சம் வரையிலும், குழுவுக்கு ரூ.15 லட்சம் வரையிலும் கடன் வழங்கப்படுகிறது. சுய உதவிக் குழு தொடங்கி 6 மாதம் ஆகியிருக்க வேண்டும். திட்ட அலுவலரால் (மகளிா் திட்டம்) தரம் செய்யப்பட்டிருக்க வேண்டும்.

சிறு கடன் வழங்கும் திட்டத்தில் சுய உதவிக் குழு உறுப்பினராக உள்ள ஆண்களுக்கு 5 சதவீத வட்டியில் உறுப்பினருக்கு ரூ.1 லட்சமும், குழுவுக்கு ரூ.15 லட்சம் வரையிலும் கடன் வழங்கப்படுகிறது. 6 சதவீத வட்டியில் கறவைப் பசுக்கள் (2) வாங்க ரூ.60 ஆயிரம் வரை கடன் உதவி வழங்கப்படுகிறது.

இத்திட்டங்களின் கீழ் விண்ணப்பிக்க மாவட்ட பிற்படுத்தப்பட்டோா், சிறுபான்மையினா் நல அலுவலகம், அனைத்து கூட்டுறவு வங்கிக் கிளைகளில் கடன் விண்ணப்பம் பெற்றுக்கொள்ளலாம். பூா்த்தி செய்யப்பட்ட விண்ணப்பங்களை சம்பந்தப்பட்ட கூட்டுறவு வங்கியில் ஒப்படைக்க வேண்டும் என்று குறிப்பிடப்பட்டுள்ளது.