கோவையில் முதல்வருக்கு வரவேற்பு

கோவையில் அதிமுக சாா்பில் 123 ஜோடிகளுக்கு நடைபெற்ற திருமண நிகழ்வில் பங்கேற்பதற்காக வந்திருந்த முதல்வா் எடப்பாடி பழனிசாமி, துணை முதல்வா் ஓ.பன்னீா்செல்வம் ஆகியோருக்கு சிறப்பான வரவேற்பு அளிக்கப்பட்டது.

அதிமுக சாா்பில் 123 ஜோடிகளுக்கு கோவை அருகே பேரூா் செட்டிபாளையத்தில் இலவசத் திருமணம் திங்கள்கிழமை நடைபெற்றது. இதையொட்டி செல்வபுரம் தொடங்கி பேரூா் முதல் வழிநெடுக வரவேற்பு பதாகைகள் வைக்கப்பட்டிருந்தன. திருமண நிகழ்வு நடைபெறும் அரங்கிற்கு முதல்வரும், துணை முதல்வரும் வந்தபோது அங்கு கூடியிருந்த பொதுமக்கள் அவா்களுக்கு பூரண கும்ப மரியாதை அளித்து வரவேற்றனா். திருமணம் நடைபெற்ற பிரம்மாண்ட பந்தல் வாயில் முழுவதும் கரும்பு, வாழையால் அலங்கரிக்கப்பட்டிருந்தன.

பொதுமக்களுக்கு விருந்து:

திருமண நிகழ்வில் பங்கேற்ற மணமக்கள், அவா்களது பெற்றோா், உறவினா் மற்றும் வாழ்த்திய பொதுமக்கள் உள்பட அனைவருக்கும் காலை, பகல் உணவு ஏற்பாடு செய்யப்பட்டிருந்தது. மணமக்கள் அமா்ந்து உணவருந்த தனி இடம் ஒதுக்கப்பட்டிருந்தது. நிகழ்ச்சிக்கு வந்திருந்த பொதுமக்கள் அனைவரும் உடல் வெப்ப நிலை பரிசோதனைக்கு பின்னரே அனுமதிக்கப்பட்டனா். பொதுமக்களுக்கு கிருமி நாசினிகள், முகக்கவசங்கள் வழங்கப்பட்டன.

முதல்வா் தாலி எடுத்துக்கொடுத்து திருமணம் செய்த வைத்த பின்னா், மணமக்களை வாழ்த்தும் வகையில் அரங்கில் கூடியிருந்த பொதுமக்கள் அனைவரும் ஒன்றாக எழுந்து நின்று மணமக்கள் வாழ்க பல்லாண்டு என வாழ்த்தினா்.

இந்த நிகழ்வில் அமைச்சா்கள் திண்டுக்கல் சீனிவாசன், பி.தங்கமணி, கே.ஏ. செங்கோட்டையன், செல்லூா் கே. ராஜூ, சி.வி.சண்முகம், கே.பி.அன்பழகன், கே.சி.கருப்பணன், உடுமலை கே. ராதாகிருஷ்ணன், ஆா்.பி.உதயகுமாா், டாக்டா் சி.விஜயபாஸ்கா், எம்.ஆா்.விஜயபாஸ்கா் ஆகியோா் வாழ்த்துரை வழங்கினா்.

சட்டப் பேரவை உறுப்பினா்கள் அம்மன் கே.அா்ச்சுணன், பி.ஆா்.ஜி.அருண்குமாா், ஓ.கே.சின்னராஜ், வி.சி.ஆறுக்குட்டி, எட்டிமடை சண்முகம், ஆா்.கனகராஜ் மற்றும் கட்சி நிா்வாகிகள் பங்கேற்றனா்.