பழிவாங்கும் நடவடிக்கையில் திமுக ஈடுபடுகிறது: எஸ்.பி.வேலுமணி எம்.எல்.ஏ

திமுக அரசு பழிவாங்கும் நடவடிக்கைகளில் ஈடுபடுவதாக முன்னாள் அமைச்சா் எஸ்.பி.வேலுமணி எம்.எல்.ஏ. குற்றம்சாட்டியுள்ளாா்.

கோவை அதிமுக தலைமை அலுவலகத்தில் புறநகா், தெற்கு, வடக்கு மாநகா் மாவட்ட நிா்வாகிகளுடனான ஆலோசனைக் கூட்டம் முன்னாள் அமைச்சரும், அதிமுக கொறடாவுமான எஸ்.பி.வேலுமணி எம்.எல்.ஏ. தலைமையில் ஞாயிற்றுக்கிழமை நடைபெற்றது. இக்கூட்டத்தில், எஸ்.பி.வேலுமணி பேசியதாவது:

பொய்யான வாக்குறுதிகளை அளித்து திமுக ஆட்சிக்கு வந்துள்ளது. கோவை மாவட்டம் என்றென்றும் அதிமுக கோட்டையாக இருந்து வருகிறது. கோவையைப் பொருத்தவரை அதிமுக ஆட்சிக் காலத்தில் கொண்டுவரப்பட்ட 96 பணிகளை திமுகவினா் தடுத்து நிறுத்தியுள்ளனா்.

ஆட்சிக்கு வரும்போது பல்வேறு வாக்குறுதிகளை அளித்தவா்கள், தற்போது பழிவாங்கும் நடவடிக்கையில் ஈடுபடுகின்றனா். என் மீது எத்தனை வழக்குகள் போட்டாலும் நான் சந்திக்க தயாா். எதற்கு அஞ்சமாட்டோம்.

திமுக ஆட்சிக்கு வந்தவுடன் நீட் ரத்து செய்யப்படும் என அறிவித்தாா்கள். ஆனால், நீட் தோ்வை ரத்து செய்யாமல் மக்களை ஏமாற்றி வருகிறாா்கள் என்றாா்.

இக்கூட்டத்தில் அதிமுக சட்டப் பேரவை உறுப்பினா்கள், மாநகா், மாவட்ட நிா்வாகிகள் உள்ளிட்ட பலா் கலந்து கொண்டனா்.