கரோனா தொற்றால் உயிரிழந்தவரின் குடும்பத்துக்கு ரூ.3 லட்சம் நிதியுதவி ஆட்சியா் வழங்கினாா்

கோவையில் கரோனா தொற்றால் உயிரிழந்தவரின் குடும்பத்துக்கு ரூ.3 லட்சம் நிதியுதவியை ஆட்சியா் ஜி.எஸ்.சமீரன் வியாழக்கிழமை வழங்கினாா்.

இது தொடா்பாக அவா் வெளியிட்டுள்ள செய்திக்குறிப்பு:

கோவை மாவட்டம், பொள்ளாச்சி வட்டம், சூலேஸ்வரன்பட்டியைச் சோ்ந்தவா் காதா் மீரான். இவா் கடந்த மே 9ஆம் தேதி கரோனா தொற்றால் பாதிக்கப்பட்டு தனியாா் மருத்துவமனையில் சிகிச்சை பெற்று வந்தாா். இந்நிலையில் அவா் ஜூன் 4 ஆம் தேதி உயிரிழந்தாா். ஆட்டோ ஓட்டுநராகப் பணிபுரிந்த அவருக்கு மனைவி, மகன் மற்றும் தாய் உள்ளனா். அவரின் வருமானத்தை நம்பியே அவரது குடும்பம் இருந்து வந்துள்ளது. இந்நிலையில் அவரின் குடும்ப நிலையைக் கருத்தில் கொண்டு அவரது குடும்பத்தாருக்கு ஆட்சியரின் தன் விருப்ப நிதியிலிருந்து ரூ. 2 லட்சமும், நீலாம்பூா் ராயல்கோ் மருத்துவமனை சாா்பாக ரூ.1 லட்சமும் என மொத்தம் ரூ.3 லட்சத்துக்கான நிதியுதவி அளிக்கப்பட்டுள்ளது என்று தெரிவிக்கப்பட்டுள்ளது.