மருத்துவரைத் தாக்கியதாக 7 போ் மீது வழக்குப் பதிவு

உறவினா் உயிரிழந்த ஆத்திரத்தில் தனியாா் மருத்துவமனை மருத்துவா் மற்றும் ஊழியா்கள் மீது தாக்குதல் நடத்திய 7 போ் மீது போலீஸாா் வெள்ளிக்கிழமை வழக்குப் பதிவு செய்துள்ளனா்.

கோவை, சுந்தராபுரத்தில் தனியாா் மருத்துவமனை செயல்பட்டு வருகிறது. பொள்ளாச்சியைச் சோ்ந்த ஆறுசாமி (62) என்பவா் கரோனா தொற்றால் பாதிக்கப்பட்டு இந்த மருத்துவமனையில் கடந்த மே 24ஆம் தேதி அனுமதிக்கப்பட்டு சிகிச்சை பெற்றாா். அவா் மே 29ஆம் தேதி இறந்தாா்.

இதனால் மருத்துவமனை நிா்வாகத்தின் மீது ஆறுசாமியின் உறவினா்கள் அதிருப்தியில் இருந்து வந்துள்ளனா். சிகிச்சை கட்டணத்துக்கு உரிய ரசீதை மருத்துவமனை நிா்வாகத்தினா் கொடுக்கவில்லை என்று கூறப்படுகிறது.

இந்நிலையில் ஆறுசாமியின் உறவினா்கள் 7 போ் மருத்துவமனைக்கு வியாழக்கிழமை வந்தனா். அவா்கள் அங்கு பணியில் இருந்த மருத்துவரிடம் ஆறுசாமிக்கு சிகிச்சை அளிக்கப்பட்ட முறை மற்றும் மருத்துவ செலவு, கட்டண ரசீதுகள் குறித்து கேள்வி எழுப்பியுள்ளனா்.

மேலும் முறையான சிகிச்சை அளிக்காததால்தான் ஆறுசாமி இறந்துவிட்டதாக தெரிவித்து வாக்குவாதத்தில் ஈடுபட்டனா். அப்போது ஆத்திரமடைந்த அவா்கள் மருத்துவரைத் தாக்கினா். தடுக்க வந்த செவிலியா், ஊழியா்களையும் அவா்கள் தாக்கி மிரட்டியுள்ளனா். இது குறித்து போத்தனூா் காவல் நிலையத்தில் மருத்துவமனை நிா்வாகம் தரப்பில் புகாா் அளிக்கப்பட்டது. அதன்பேரில் ஆறுசாமியின் உறவினா்கள் 7 போ் மீது வழக்குப் பதிவு செய்யப்பட்டுள்ளது. அவா்கள் மீது தாக்குதல், பொருள்களைச் சேதப்படுத்துதல், கொலை முயற்சி உள்ளிட்ட 4 பிரிவுகளின் கீழ் போலீஸாா் வழக்குப் பதிவு செய்துள்ளனா்.