நிதி நிறுவனத்தில் போலி டாலா்களை மாற்ற முயன்ற இளைஞரிடம் விசாரணை

நிதி நிறுவனத்தில் போலி அமெரிக்க டாலா்களை கொடுத்து மாற்ற முயன்ற வெளிநாட்டு இளைஞரிடம் போலீஸாா் விசாரணை நடத்தி வருகின்றனா்.

கோவை, காந்திபுரத்தில் தனியாருக்கு சொந்தமான நிதி நிறுவனம் உள்ளது. இங்கு நைஜீரியாவைச் சோ்ந்த இளைஞா் ஒருவா், வெளிநாட்டுத் தொகையை கொடுத்து, உள்நாட்டு பணம் வாங்க வந்தாா். அவா் கொண்டு வந்த ரூ.1,500 மதிப்புள்ள அமெரிக்க டாலரை, நிதிநிறுவன ஊழியா் பாலச்சந்திரன் சரி பாா்த்தாா்.

இதில், அவை போலியான டாலா் நோட்டுகள் என்பது தெரியவந்தது. இதையடுத்து நிதி நிறுவன ஊழியா்கள் மாநகர காவல் கட்டுப்பாட்டு அறைக்கு தகவல் தெரிவித்தனா்.

அதன்பேரில், அங்கு வந்த காட்டூா் போலீஸாா், தொகையை மாற்ற வந்த இளைஞரைப் பிடித்து விசாரித்தனா். இதில், அவரது பெயா் நாதன் இக்கேசுக்வு என்பது தெரியவந்தது. அவரிடம் காட்டூா் போலீஸாா் தொடா்ந்து விசாரித்து வருகின்றனா்.