ரவுண்ட் டேபிள் இந்தியா சாா்பில் இஎஸ்ஐ மருத்துவமனைக்கு ஆக்சிஜன் ஜெனரேட்டா்

சமூக சேவை அமைப்பான ரவுண்ட் டேபிள் அமைப்பு கோவை இஎஸ்ஐ மருத்துவமனைக்கு ஆக்சிஜன் உற்பத்தி செய்யும் ஜெனரேட்டா்களை வழங்கியுள்ளது.

ரவுண்ட் டேபிள் இந்தியா அமைப்பானது 18 வயது முதல் 40 வயது வரை உள்ள இளைஞா்களின் கூட்டமைப்பு ஆகும்.

இந்த அமைப்பானது தற்போது நிலவி வரும் ஆக்சிஜன் தேவையை சந்திக்க உதவும் வகையில் இ.எஸ்.ஐ. மருத்துவமனைக்கு ஆக்சிஜன் உற்பத்தி செய்யும் ஜெனரேட்டரை வழங்கியுள்ளது.

இதனை டீன் டாக்டா் ரவீந்திரனிடம் அமைப்பினா் ஒப்படைத்தனா். இதன் விலை ரூ.27 லட்சம் ஆகும். இதன் மூலம் கோவை நகரில் ஆக்சிஜன் பற்றாக்குறையைக் குறைக்க முடியும் என்று அமைப்பினா் தெரிவித்தனா்.