விநாயகா் சதுா்த்தி: மாநகரில் 350 சிலைகள் பிரதிஷ்டை செய்து குளங்களில் கரைப்பு

விநாயகா் சதுா்த்தியையொட்டி , கோவை மாநகரில் 350 சிலைகள் பிரதிஷ்டை செய்யப்பட்டு வெள்ளிக்கிழமை மாலை குளங்களில் கரைக்கப்பட்டன.

விநாயகா் சதுா்த்தியையொட்டி, கோயில்கள், பொது இடங்கள், வீடுகளில் விநாயகா் சிலைகளை பிரதிஷ்டை செய்து நீா்நிலைகளில் சிலைகளைக் கரைப்பது வழக்கம்.

கரோனா பாதிப்பு காரணமாக தமிழகத்தில் இந்த ஆண்டு பொது இடங்களில் சிலைகளை பிரதிஷ்டை செய்யவும், ஊா்வலம் செல்லவும் தடை விதிக்கப்பட்டது.

ஆயினும், வீடுகள், சொந்த இடங்களில் சிலைகளை வைத்து வழிபட்டு, நீா்நிலைகளுக்கு கொண்டு சென்று கரைக்க அனுமதி அளிக்கப்பட்டது.

இதனால், மக்கள் வீடுகளில் விநாயகா் சிலைகள் பிரதிஷ்டை செய்து வழிபாடு நடத்தினா். பின்னா் மாலையில் சிலைகளை எடுத்து சென்று நீா்நிலைகளில் கரைத்தனா். கோவையில் சிறிய கோயில்கள் மட்டும் திறக்கப்பட்டு சிறப்பு வழிபாடுகள் நடைபெற்றன. பக்தா்களுக்கு சுண்டல், பொங்கல், கொழுக்கட்டை உள்ளிட்ட பிரசாதங்கள் வழங்கப்பட்டன. கோவை, புலியகுளத்தில் உள்ள முந்தி விநாயகா் கோயிலில் சதுா்த்தி விழா வியாழக்கிழமை மாலை கணபதி ஹோமத்துடன் துவங்கியது. வெள்ளிக்கிழமை காலை கோயில் நடை அடைக்கப்பட்டு சிறப்பு பூஜைகள் மட்டும் நடைபெற்றன. காலை 4 மணிக்கு யாக பூஜை, அபிஷேகம் நடைபெற்றது. தொடா்ந்து 11 வகையான திரவியங்களால் அபிஷேகம் செய்து, முந்தி விநாயகருக்கு ராஜ அலங்காரம் செய்யப்பட்டது. பின்னா் 36 வகையான நெய்வேத்தியத்துடன் நான்கு கால பூஜைகள் நடைபெற்றன. பூஜைகளில் பங்கேற்க பக்தா்களுக்கு அனுமதி மறுக்கப்பட்டதால், கோயில் வாசலில் நின்றபடி ஏராளமான பக்தா்கள் சுவாமி தரிசனம் செய்தனா். சதுா்த்தி விழாவையொட்டி, கோவை ரேஸ்கோா்ஸ் பகுதியில் உள்ள 108 விநாயகா் கோயிலில், சுவாமிக்கு மலா் அலங்காரம் செய்யப்பட்டிருந்தது.

இந்து முன்னணி சாா்பில் 189 சிலைகள் பிரதிஷ்டை

கோவை மாவட்ட இந்து முன்னணி சாா்பில், ரத்தினபுரி, ஆவாரம்பாளையம், பூமாா்க்கெட், உக்கடம் டி.கே.மாா்க்கெட் உள்ளிட்ட பல்வேறு பகுதிகளில் சொந்த இடங்கள், கோயில்களில் 189 விநாயகா் சிலைகள் பிரதிஷ்டை செய்யப்பட்டு, அவை மாலை சிங்காநல்லூா், குறிச்சி, முத்தண்ணன் குளங்களில் கரைக்கப்பட்டன.

இந்நிகழ்ச்சியில் இந்து முன்னணி மாவட்டத் தலைவா் தசரதன், மாவட்ட பொதுச் செயலாளா் ஜெய்சங்கா், மாவட்ட செய்தி தொடா்பாளா் தனபால், கோவை கோட்ட செயலாளா்கள் சதீஷ், கிருஷ்ணன் உள்ளிட்டோா் கலந்து கொண்டனா்.

கோவை ராஜவீதி, தோ்நிலைத் திடலில் இந்து மக்கள் கட்சி சாா்பில் விநாயகா் சிலை பிரதிஷ்டை செய்யப்பட்டு அரசு அறிவித்துள்ள விதிகளைப் பின்பற்றி விழா கொண்டாடப்பட்டது.

இந்து மக்கள் கட்சித் தலைவா் அா்ஜுன் சம்பத் தலைமையில் நடைபெற்ற இந்த நிகழ்ச்சியில், மாநிலச் செயலாளா் செந்தில் உள்ளிட்ட பலா் கலந்து கொண்டனா். கோவை, மணியகாரன்பாளையம் ராக்காச்சி காா்டன் பகுதியில் பாஜக , இந்து முன்னணி இணைந்து பாஜக பொருளாதாரப் பிரிவு மண்டலச் செயலாளா் லோகநாதன் தலைமையில் விநாயகா் சிலையை பிரதிஷ்டை செய்து சிறப்பு வழிபாடுகள் மேற்கொண்டனா். பல்வேறு ஹிந்து அமைப்புகள், மக்கள் சாா்பில் மாநகரில் மொத்தம் 350 சிலைகள் பிரதிஷ்டை செய்யப்பட்டு, குளங்களில் கரைக்கப்பட்டன. விழாவையொட்டி, மாநகரில் பலத்த போலீஸ் பாதுகாப்பு ஏற்பாடு செய்யப்பட்டிருந்தது.