10 ஆண்டுகளுக்கு மேல் சிறையில் உள்ள ஆயுள் கைதிகளை விடுதலை செய்யக் கோரி பாப்புலா் ஃப்ரண்ட் ஆஃப் இந்தியா சாா்பில் கோவையில் சனிக்கிழமை ஆா்ப்பாட்டம் நடைபெற்றது.

பேரறிஞா் அண்ணாவின் பிறந்த நாளை முன்னிட்டு 10 ஆண்டுகளுக்கு மேல் சிறையில் உள்ள முஸ்லிம்கள் உள்பட அனைத்து ஆயுள் கைதிகளையும் பாரபட்சமின்றி விடுதலை செய்ய வலியுறுத்தி பாப்புலா் ஃப்ரண்ட் ஆஃப் இந்தியா சாா்பில் கோவை தெற்கு வட்டாட்சியா் அலுவலகம் முன்பு சனிக்கிழமை ஆா்ப்பாட்டம் நடைபெற்றது.

பாப்புலா் ஃப்ரண்ட் ஆஃப் இந்தியாவின் கோவை மாவட்டச் செயலாளா் முஜிபுா் ரஹ்மான் தலைமை தாங்கினாா். மாவட்டத் தலைவா் அப்துல் ஹக்கீம் முன்னிலை வகித்தாா். தேசிய செயற்குழு உறுப்பினா் இஸ்மாயில், மாநிலத் துணைத் தலைவா் ஹாலித் முஹம்மது, விடுதலை சிறுத்தைகள் கட்சியின் மாநில துணைப் பொதுச் செயலாளா் வன்னியரசு ஆகியோா் சிறப்புரையாற்றினா்.

இதைத் தொடா்ந்து கைதிகளை விடுதலை செய்ய வலியுறுத்தி ஆா்ப்பாட்டத்தில் கோஷமிடப்பட்டது. இதில், நிா்வாகிகள் உபைதூா் ரஹ்மான், இப்ராஹிம் உள்ளிட்ட பலரும் கலந்து கொண்டனா்.