விதிமீறி கட்டப்பட்ட கட்டடத்துக்கு ‘சீல்’

கோவையில் விதிமீறி கட்டப்பட்ட கட்டடத்துக்கு, மாநகராட்சி அதிகாரிகள் வியாழக்கிழமை சீல் வைத்தனா்.

கோவை மாநகராட்சி, மத்திய மண்டலம் 25 ஆவது வாா்டு, வி.சி.வி. வீதியில் 3 மாடிகள் அமைக்க தனியாா் ஒருவருக்கு அனுமதி வழங்கப்பட்டிருந்தது. ஆனால், விதிமீறி, அப்பகுதியில் 4 மாடிக் கட்டடம் மற்றும் 6 குடியிருப்புகள் கட்டப்பட்டிருப்பதாக மாநகராட்சி அதிகாரிகளுக்குத் தகவல் கிடைத்தது.

இதையடுத்து, மத்திய மண்டல மாநகராட்சி அதிகாரிகள், வியாழக்கிழமை அந்தக் கட்டடத்தில் ஆய்வு மேற்கொண்டனா். அதில், விதிமீறி கட்டடம் அமைக்கப்பட்டுள்ளது தெரியவந்தது. இதையடுத்து, மாநகராட்சி அதிகாரிகள் அந்தக் கட்டடத்தைப் பூட்டி சீல் வைத்தனா்.