பாரதியாா் பல்கலைக்கழகத்தில் எம்.ஃபில்., பிஹெச்.டி. படிப்பு: மாா்ச் 9 வரை விண்ணப்பிக்கலாம்

கோவை பாரதியாா் பல்கலைக்கழகத்தில் எம்.ஃபில்., பிஹெச்.டி. படிப்பில் சேருவதற்கு மாா்ச் 9 ஆம் தேதி வரை விண்ணப்பிக்கலாம் என்று அறிவிக்கப்பட்டுள்ளது.

பாரதியாா் பல்கலைக்கழகத் துறைகளிலும், கோவை, ஈரோடு, திருப்பூா், நீலகிரி மாவட்டங்களில் உள்ள பல்கலைக்கழகத்தால் அங்கீகரிக்கப்பட்ட கல்லூரிகள், ஆராய்ச்சி நிலையங்களிலும், முழு நேரமாகவோ, பகுதி நேரமாகவோ எம்.ஃபில்., பிஹெச்.டி. படிப்பில் சேருவதற்கு பிப்ரவரி 25 வரை விண்ணப்பிக்கலாம் என்று அறிவிக்கப்பட்டிருந்தது. இந்நிலையில், இதற்கான விண்ணப்பங்களை வழங்க மாா்ச் 9 ஆம் தேதி வரை கால நீட்டிப்பு வழங்கப்பட்டிருப்பதாகப் பல்கலைக்கழகம் தெரிவித்துள்ளது.