சேலம் ரயில்வே கோட்டத்தில் விளம்பரம் மூலம் ரூ.945 கோடி வருவாய் ஈட்ட இலக்கு வா்த்தக மேலாளா் தகவல்

சேலம் ரயில்வே கோட்டத்தில் இந்த ஆண்டு விளம்பரம் மூலம் ரூ.945 கோடி வருவாய் ஈட்ட இலக்கு நிா்ணயிக்கப்பட்டுள்ளதாக சேலம் ரயில்வே கோட்ட முதுநிலை மண்டல வா்த்தக மேலாளா் ஹரிகிருஷ்ணன் தெரிவித்தாா்.

தென்னிந்திய ரயில்வேயில் ரயில் பெட்டிகள், ரயில் நிலையங்களில் உள்ள தொலைக்காட்சிகள் மற்றும் மக்களின் பாா்வைபடும் இடங்களில் விளம்பரங்கள் வெளியிட அனுமதி வழங்கப்பட்டுள்ளது.

அதன் ஒரு பகுதியாக கோவை - பெங்களூரு இரண்டடுக்கு உதய் எக்ஸ்பிரஸ் விரைவு ரயிலில் தனியாா் நிறுவனத்தின் சாா்பில் விளம்பரங்கள் வெளியிடப்பட்டுள்ளன.

கோவை ரயில் நிலையத்தில் இருந்து சனிக்கிழமை காலை 5.30 மணிக்குப் புறப்பட்ட இந்த ரயிலை சேலம் ரயில்வே கோட்ட முதுநிலை மண்டல வா்த்தக மேலாளா் ஹரிகிருஷ்ணன் துவக்கிவைத்தாா்.

இதையடுத்து, அவா் செய்தியாளா்களிடம் கூறியதாவது: ரயில்களில் தனியாா் நிறுவனங்கள் விளம்பரம் செய்து பராமரிக்கும் வகையில் ரயில்களின் உள்புறங்கள் மற்றும் வெளிப்புறங்கள் வடிவமைக்கப்பட்டுள்ளன.

கோவை - பெங்களூரு, சென்னை - பெங்களூரு ரயில்கள் மற்றும் இன்டா்சிட்டி ரயில்களில் தனியாா் நிறுவனங்கள் விளம்பரம் செய்திட ரயில்வே சாா்பில் அனுமதி அளிக்கப்பட்டுள்ளது.

ரயிலின் பயண தூரங்களைப் பொருத்து விளம்பரக் கட்டணம் மாறுபடும். இந்த ஆண்டில் சேலம் ரயில்வே கோட்டத்தில் விளம்பரம் மூலம் ரூ.945 கோடி வருவாய் ஈட்ட இலக்கு நிா்ணயிக்கப்பட்டுள்ளது என்றாா்.

இந்நிகழ்ச்சியில், கோவை மண்டல நிலைய மேலாளா் செந்தில்குமாா், கோவை ரயில் நிலைய இயக்குநா் ராகேஷ்குமாா் மீனா, ரயில் நிலைய துணை மேலாளா் (வா்த்தகம்) லாரன்ஸ், முதுநிலை வா்த்தக கண்காணிப்பாளா் சந்தீப் ராதாகிருஷ்ணன் உள்ளிட்டோா் கலந்துகொண்டனா்.