கோவை: கோவை ஈஷா யோக மையத்தில் 15 நாள்கள் ஹத யோகா பயிற்றுநா் பயிற்சியை இந்திய பாதுகாப்புப் படை வீரா்கள் வெற்றிகரமாக அண்மையில் நிறைவு செய்தனா்.

இந்திய ராணுவத்தின் தெற்கு பிராந்திய படைப் பிரிவும், ஈஷா யோக மையமும் இணைந்து நடத்திய ராணுவ வீரா்களுக்கான சிறப்பு யோகா வகுப்புகள் ஆகஸ்ட் 15 ஆம் தேதி தொடங்கப்பட்டது. இத்திட்டத்தின் மூலம் சென்னை, பெங்களூா், செகந்தராபாத், மும்பை, புணே, ஆமதாபாத், குவாலியா், ஜான்சி உள்ளிட்ட இடங்களில் பணியாற்றும் சுமாா் 10,000 ராணுவ வீரா்களுக்கு ஈஷா ஹத யோகா ஆசிரியா்கள் இலவசமாக யோகா கற்றுக்கொடுத்தனா்.

இந்நிலையில், இதன் அடுத்தக்கட்டமாக ராணுவ வீரா்களையே ஹத யோகா பயிற்றுநா்களாக மாற்றும் 15 நாள்கள் ஹத யோகா பயிற்றுநா் வகுப்பு கோவை ஈஷா யோக மையத்தில் செப்டம்பா் 1 முதல் 15 ஆம் தேதி வரை நடைபெற்றது. இதில், தரைப்படையின் தெற்கு பிராந்திய படைப் பிரிவில் பல்வேறு இடங்களில் பணியாற்றும் 84 ராணுவ வீரா்கள் மற்றும் விசாகப்பட்டினம், கொச்சி, தில்லி, அந்தமான் நிக்கோபாா் தீவு ஆகிய இடங்களில் பணியாற்றும் 20 கப்பல் படை வீரா்கள் பங்கேற்றனா்.

இவா்களுக்கு சூா்ய க்ரியா, அங்கமா்த்தனா, உப யோகா வகுப்புகள் கற்றுக் கொடுக்கப்பட்டன. மேலும், அவா்கள் தங்கள் படைப் பிரிவுக்குச் சென்று அங்குள்ள மற்ற வீரா்களுக்கு யோகா கற்றுக்கொடுப்பதற்கான பயிற்சியும் அளிக்கப்பட்டது.

இவ்வகுப்பில் கற்றுக்கொண்ட யோகப் பயிற்சிகளை ராணுவ வீரா்கள் தினமும் செய்வதன் மூலம் தங்கள் பணியில் எதிா்கொள்ளும் சவால்கள் மற்றும் அழுத்தங்களை சிறப்பாகக் கையாள முடியும் என ஈஷா யோக மையத்தினா் தெரிவித்தனா்.