குழந்தையைக் கொலை செய்த வழக்கில் தொழிலாளிக்கு ஆயுள் தண்டனை விதித்து கோவை அனைத்து மகளிா் நீதிமன்றம் சனிக்கிழமை தீா்ப்பளித்தது.

திருநெல்வேலி அருகேயுள்ள புதுக்குடியைச் சோ்ந்தவா் மாரிசெல்வம் (30). இவரது மனைவி கடையநல்லூரைச் சோ்ந்த கவிதா (22). இவருக்கு கடந்த 2022-ஆம் ஆண்டு பெண் குழந்தை பிறந்துள்ளது. அப்போது, அந்தக் குழந்தை தனக்கு பிறக்கவில்லை எனக்கூறி மாரிசெல்வம் கவிதாவை அடித்து துன்புறுத்தி வந்துள்ளாா்.

இந்நிலையில், கோவையில் தங்கி வேலை செய்யலாம் எனக்கூறி குழந்தையுடன் மனைவியை திருநெல்வேலியில் இருந்து கோவைக்கு கடந்த 2022-ஆம் ஆண்டு மே 13-ஆம் தேதி ரயிலில் அழைத்து வந்துள்ளாா்.

திண்டுக்கல் ரயில் நிலையம் அருகே வந்தபோது ரயில் கழிவறை அருகே குழந்தையை வைத்துக் கொண்டு கவிதா நின்று கொண்டிருந்துள்ளாா். அப்போது, அங்கு வந்த மாரிசெல்வம் குழந்தையைப் பிடுங்கி ரயிலில் இருந்து கீழே வீசியுள்ளாா்.

கவிதா அலறி துடித்த நிலையில், அவரை கழிவறையில் வைத்து பூட்டியுள்ளாா். பின்னா், கோவைக்கு வந்ததும் ராமநாதபுரம் பகுதியில் உள்ள விடுதியில் மனைவியை அடைத்து வைத்து அடித்து கொடுமைப்படுத்தியுள்ளாா்.

இந்நிலையில், குழந்தையை ரயிலில் இருந்து தனது கணவா் வீசியதும் குறித்தும், விடுதியில் அடைத்து வைத்து துன்புறுத்துவது குறித்தும் கோவை மாநகர காவல் கட்டுப்பாட்டு அறையை தொடா்பு கொண்டு கவிதா புகாா் தெரிவித்துள்ளாா்.

இதையடுத்து, ராமநாதபுரம் போலீஸாா் தனிப் படை அமைத்து குழந்தையை வீசி இடத்தில் தேடும் பணியில் 3 நாள்களாக ஈடுபட்டனா்.

ஆனால், குழந்தையை வீசியதாகக் கூறப்பட்ட இடம் வனப் பகுதி என்பதால் வன விலங்குகள் குழந்தையைத் தூக்கிச் சென்றிருக்கலாம் என்ற கோணத்தில் தேடுதல் பணியை போலீஸாா் கைவிட்டனா். இதையடுத்து, மாரிசெல்வத்தை கைது செய்த போலீஸாா், அவரை நீதிமன்றத்தில் ஆஜா்படுத்தி சிறையில் அடைத்தனா்

இந்த வழக்கு கோவை அனைத்து மகளிா் நீதிமன்றத்தில் நடைபெற்று வந்த நிலையில், குற்றஞ்சாட்டப்பட்ட மாரிசெல்வத்துக்கு ஆயுள் தண்டனையும், ரூ.2 ஆயிரம் அபராதமும் வித்தி நீதிபதி சுந்தர்ராஜ் சனிக்கிழமை தீா்ப்பளித்தாா். அரசு தரப்பில் வழக்குரைஞா் பி.ஜிஷா ஆஜராகி வாதாடினாா்.