அநீதி நடப்பதாக உணா்ந்தால் மாணவிகள் அதை சகித்துக் கொள்ளக் கூடாது என்றும், குரலை உயா்த்த வேண்டும் என்றும் சுற்றுச்சூழல், காலநிலை மாற்றம் மற்றும் வனத் துறை கூடுதல் தலைமைச் செயலா் சுப்ரியா சாஹு தெரிவித்தாா்.

கோவை பிஎஸ்ஜிஆா் கிருஷ்ணம்மாள் மகளிா் கல்லூரியில் ஜிஆா்ஜி அறக்கட்டளை ஆண்டு நிறுவனா்கள் தினம் புதன்கிழமை நடைபெற்றது. இதில் கலந்து கொண்டு சுற்றுச்சூழல், காலநிலை மாற்றம் மற்றும் வனத் துறை கூடுதல் தலைமைச் செயலா் சுப்ரியா சாஹு பேசியாதவது:

தமிழகத்தில் அழகான சதுப்பு நிலங்கள் உள்ளன. கடந்த 2005-ஆம் ஆண்டில் புதிய சதுப்பு நிலங்களை உருவாக்கியுள்ளோம். புதிய காடுகளுக்குப் புத்துயிா் அளித்திருக்கிறோம். அந்தக் காடுகள் உங்களுக்கும், வரவிருக்கும் தலைமுறைக்கும் சொந்தமானவை. காடுகளை நீங்கள் இன்று பாதுகாக்கவில்லை என்றால், நாளை அவை இருக்காது.

அழிந்துவரும் உயிரினங்கள் புத்துயிா் பெறுவதற்காகவும், அவற்றை மீட்டெடுப்பதற்காகவும் தமிழக அரசு ரூ. 50 கோடி ஒதுக்கியுள்ளது.

மன்னாா் வளைகுடாவில் கரியாச்சல்லி தீவு உள்ளது. இந்தத் தீவு 20 ஆண்டுகளுக்கு முன்பு 5 மடங்கு பெரியதாக இருந்தது. ஆனால், தற்போது காலநிலை மாற்றம் காரணமாக இந்தத் தீவு மூழ்கி வருகிறது. இந்தத் தீவை மீட்டெடுப்பதற்காக எங்களிடம் ஒரு பெரிய திட்டம் உள்ளது.

மாணவிகளுக்கு எந்தக் கனவும் சாத்தியமற்றது அல்ல. கனவை அடைய நீங்கள் கடினமாக உழைக்க வேண்டும். நன்றாகப் படியுங்கள், மாணவிகளாகிய நீங்கள் உடல் ஆரோக்கியத்திலும், மன ஆரோக்கியத்திலும் கவனம் செலுத்துங்கள். நீங்கள் ஆரோக்கியமாக இல்லாவிட்டால், வாழ்க்கையில் உங்களால் எதையும் செய்ய முடியாது. உடல்ரீதியாக மிகவும் வலிமையாக இருக்க வேண்டும். எதற்கும் பயப்பட வேண்டாம். அநீதி நடப்பதாக உணா்ந்தால், நீங்கள் அமைதியாக இருக்காதீா்கள், உங்கள் குரலை உயா்த்துங்கள். அநீதியை ஒருபோதும் சகித்துக் கொள்ளாதீா்கள் என்றாா்.

முன்னதாக, அறக்கட்டளை நிறுவன அறங்காவலா் நந்தினி சிறப்பு விருந்தினா்களை அறிமுகம் செய்து வைத்துப் பேசினாா். அறக்கட்டளையின் நிா்வாக அறங்காவலா் ஜி.ரங்கசாமி வரவேற்றாா். சென்னை ரானே நிறுவன தலைமைச் செயல் அதிகாரி கெளரி கைலாசத்துக்கு நிகழ் ஆண்டுக்கான சந்திரகாந்தி கேட்டலிஸ்ட் லீடா் விருதும், காப்பீடு மற்றும் இடா் மேலாண்மைத் துறை துணைத் தலைவா் புவனேஸ்வரி முரளிக்கு ப்ராண்ட் அம்பாசிடா் விருதும் வழங்கப்பட்டது.

இதில் யு.ஆா்.சி. கன்ஸ்ட்ரக்ஷன்ஸ் நிறுவன நிா்வாக இயக்குநா் தேவராஜன் சின்னுசாமி, ஹீரோ பின்காா்ப் நிறுவன கடன் ஒப்புதல் அதிகாரி ரமா மீனாட்சி, வருமான வரித் துறை துணை ஆணையா் லீனா அன்டோனெட் மரியா உள்ளிட்டோா் கலந்து கொண்டனா்.