ரூ. 5.97 லட்சத்துக்கு வேளாண் பொருள்கள் ஏலம்

அந்தியூர் ஒழுங்குமுறை விற்பனைக் கூடத்தில் ரூ. 5.97 லட்சத்துக்கு வேளாண் விளைபொருள்கள் ஏலம் திங்கள்கிழமை நடைபெற்றது.
இங்கு, 24,052 தேங்காய்கள் விற்பனைக்கு வந்ததில், சிறியவை ரூ. 6 முதல் பெரியவை ரூ. 16 வரையில் மொத்தம் ரூ. 2,46,889-க்கும், 78 மூட்டைகள் தேங்காய் கொப்பரை கிலோ ரூ. 102.79 முதல் ரூ. 118.89 வரையில் ரூ. 2,63,692-க்கும், 44 மூட்டைகள் மக்காச்சோளம் கிலோ ரூ. 13.36 முதல் ரூ. 13.52 வரையில் ரூ. 54,227-க்கும், 14 மூட்டைகள் எள் கிலோ ரூ. 63.39 முதல் ரூ. 73.29 வரையில் என மொத்தம் ரூ. 32,560-க்கு ஏலம் போனது. மொத்தம் 136 மூட்டைகளில் 230.36 குவிண்டால் வேளாண் விளைபொருள்கள் ரூ. 5,97,368-க்கு விற்பனை செய்யப்பட்டது.