கோபி அருகே அய்யம்பாளையத்தில் புதிதாகக் கட்டப்பட்டுள்ள மேல்நிலை குடிநீர்த் தொட்டியை சட்டப்பேரவை உறுப்பினர் ராஜாகிருஷ்ணன் திறந்து வைத்தார்.
பி.மேட்டுப்பாளையம் பேரூராட்சிக்கு உள்பட்ட அய்யம்பாளையம் மொட்டையன் கரட்டில் 10 ஆயிரம் லிட்டர் அளவுள்ள சுமார் ரூ.3.5 லட்சம் மதிப்பீட்டில் தொகுதி மேம்பாட்டு நிதியில் புதிதாக மேல்நிலை குடிநீர்த் தொட்டி கட்டப்பட்டுள்ளது.
இதை பொதுமக்களின் பயன்பாட்டுக்காக அந்தியூர் சட்டப்பேரவைத் தொகுதி உறுப்பினர் ராஜாகிருஷ்ணன் தொடங்கி வைத்தார்.
இத் தொட்டியிலிருந்து வெளியேறும் குடிநீரினால் இந்த கிராமத்தில் உள்ள 300 க்கும் மேற்பட்ட வீடுகளில் வசிக்கும் மக்கள் பயனடைவார்கள்.
நிகழ்ச்சியில் ஊராட்சி ஒன்றிய நிர்வாகிகள், அதிமுக நிர்வாகிகள் மற்றும் பொதுமக்கள் கலந்து கொண்டனர்.