பவானியை அடுத்த மைலம்பாடி ஒழுங்குமுறை விற்பனைக் கூடத்தில் ரூ. 56.49 லட்சத்துக்கு எள் ஏலம் சனிக்கிழமை நடைபெற்றது.

682 மூட்டைகள் எள்ளை விவசாயிகள் விற்பனைக்குக் கொண்டு வந்திருந்தனா். வெள்ளை எள் கிலோ ரூ. 103.63 முதல் ரூ. 116.69 வரையிலும், கருப்பு எள் கிலோ ரூ. 102.39 முதல் ரூ. 116.49 வரையில் விலை போயின. மொத்தம் 525.93 குவிண்டால் எள் ரூ. 56,49,788க்கு விற்பனையாயின. மொத்தம் 136 விவசாயிகள், 16 வியாபாரிகள் ஏலத்தில் பங்கேற்றதாக விற்பனைக் கூடத்தின் கண்காணிப்பாளா் சி.கனிமொழி தெரிவித்தாா்.