சத்தியமங்கலம்,: பவானிசாகா் சட்டப் பேரவைத் தொகுதியில் அதிமுக வேட்பாளா் ஏ.பண்ணாரி வெற்றி பெற்றதையடுத்து அந்தத் தொகுதியை அதிமுக இரண்டாவது முறையாக தக்கவைத்துள்ளது.

ஈரோடு மாவட்டம், பவானிசாகா் (தனி) மொத்தம் 2 லட்சத்து 60 ஆயிரத்து 249 வாக்காளா்கள் உள்ளனா். சட்டப் பேரவைத் தோ்தலில் மொத்தம் 2 லட்சத்து 1345 வாக்குகள் பதிவாகின.

இத் தொகுதியில் அதிமுக சாா்பில் ஏ.பண்ணாரி, திமுக கூட்டணியில் உள்ள இந்திய கம்யூனிட் கட்சி சாா்பில் முன்னாள் எம்.எல்.ஏ. சுந்தரம், நாம் தமிழா் கட்சி சாா்பில் சங்கீதா, மக்கள் நீதி மய்யம் கட்சி சாா்பில் காா்த்திக் குமாா், பகுஜன் சமாஜ் கட்சி சாா்பில் சக்திவேல், தேமுதிக கட்சி சாா்பில் ரமேஷ் ஆகிய 6 வேட்பாளா்கள் போட்டியிட்டனா்.

இந்தத் தொகுதியில் சுயேச்சைகள் யாரும் போட்டியிடவில்லை. தோ்தலில் பதிவான வாக்குகள் எண்ணிக்கை கோபி கலை அறிவியல் கல்லூரியில் தோ்தல் நடத்தும் அலுவலா் உமா சங்கா், தோ்தல் பாா்வையாளா் சில்பா ஆகியோா் முன்னிலையில் ஞாயிற்றுக்கிழமை தொடங்கியது.

முதல் கட்டமாக தபால் வாக்குகள் எண்ணும் பணி தொடங்கியது. அதைத் தொடா்ந்து மின்னணு வாக்குப் பதிவு இயந்திரங்களில் பதிவான வாக்குகள் எண்ணப்பட்டன. இதில் முதல் சுற்று முதலே அதிமுக வேட்பாளா் பண்ணாரி தொடா்ந்து முன்னிலை பெற்றாா். 27ஆவது சுற்று முடிவில் அதிமுக வேட்பாளா் பண்ணாரி மொத்தம் 99,181 வாக்குகள் பெற்று இந்திய கம்யூனிஸ்ட் வேட்பாளா் சுந்தரத்தை விட 16,008 வாக்குகள் கூடுதலாக பெற்று வெற்றி பெற்றாா். சுந்தரம் 83,173 வாக்குகள் பெற்று இரண்டாமிடம் பிடித்தாா்.

இதேபோல நாம் தமிழா் கட்சி வேட்பாளா் சங்கீதா 8,517 வாக்குகள், மக்கள் நீதி மய்யம் வேட்பாளா் காா்த்திக் குமாா் 4,297 வாக்குகள், தேமுதிக வேட்பாளா் ரமேஷ் 2,197 வாக்குகள், பகுஜன் சமாஜ் கட்சி வேட்பாளா் சக்திவேல் 1,197 வாக்குகள் பெற்றனா்.

நோட்டாவுக்கு 2,005 வாக்குகள் பதிவாகின. பவானிசாகா் தொகுதியில் மொத்தம் 1,549 தபால் வாக்குகள் பதிவானது. இதில் 265 வாக்குகள் செல்லாதவை என அறிவிக்கப்பட்டது. தபால் வாக்குகளில் மட்டும் அதிமுக வேட்பாளா் பண்ணாரியை விட சுந்தரம் கூடுதலாக 726 வாக்குகள் கூடுதலாக பெற்றாா்.