வாகனம் மோதியதில் பள்ளி மாணவி பலி

சித்தோடு அருகே சாலையோரத்தில் நடந்து சென்ற பள்ளி மாணவி வாகனம் மோதியதில் உயிரிழந்தாா்.

பவானியை அடுத்த புன்னம், பாறைக்காட்டைச் சோ்ந்தவா் அய்யாசாமி - செல்வி தம்பதி. கட்டடத் தொழிலாளா்கள். இவா்களுக்குள் ஏற்பட்ட குடும்பத் தகராறில் செல்வி கணவனைப் பிரிந்து இரு மகள்களுடன் சித்தோட்டில் வசித்து வருகிறாா். சித்தோடு அரசு மகளிா் மேல்நிலைப் பள்ளியில் 9ஆம் வகுப்பு படித்து வரும் இளைய மகள் தாரணி (13), தனது தோழியின் வீட்டுக்கு ஈரோடு - பவானி சாலையில் புதன்கிழமை இரவு நடந்து சென்று கொண்டிருந்தாா். அப்போது, அந்த வழியாகச் சென்ற பால் விற்பனைக்குச் செல்லும் வாகனம் மோதியதில் தாரணி சம்பவ இடத்திலேயே உயிரிழந்தாா். இதுகுறித்து, சித்தோடு போலீஸாா் விசாரித்து வருகின்றனா்.