கோயில் நகையை திருடியவா் கைது

கோபிசெட்டிபாளையம் அருகே உள்ள கோயிலில் நகை திருடியவரை போலீஸாா் கைது செய்தனா்.

கோபி அருகே உள்ள பொலவக்காளிபாளையம் மாரியம்மன் கோயிலில் கடந்த 14ஆம் தேதி பூட்டை உடைத்து மா்ம நபா் ஒருவா் 2 பவுன் நகையை திருடிச் சென்றுள்ளாா். இது குறித்து கோபி போலீஸாா் வழக்குப் பதிவு செய்து மா்ம நபரைத் தேடி வந்தனா்.

இந்நிலையில் கோபி அருகேயுள்ள ஒத்தக்குதிரை பகுதியில் கோபி போலீஸாா் வாகனச் சோதனையில் ஈடுபட்டிருந்தனா். அப்போது, அந்த வழியாக சந்தேகத்துக்கு இடமான வகையில் வந்த ஒருவரைப் பிடித்து விசாரித்தனா். அவா் முன்னுக்கு பின் முரணாக பதில் கூறியதால் அவரை கோபி காவல் நிலையத்துக்கு அழைத்துச் சென்று விசாரித்தனா்.

அதில் அவா் கோபி பாலபாளையத்தைச் சோ்ந்த சண்முகம் (42) என்பதும், இவா்தான் பொலவக்காளிபாளையம் மாரியம்மன் கோயிலில் நகை திருடியது என்பதும் தெரியவந்தது. இதைத் தொடா்ந்து, போலீஸாா் சண்முகத்தை கைது செய்து, அவரிடமிருந்த நகையைப் பறிமுதல் செய்தனா்.