தண்ணீா்த் தொட்டியில் தவறி விழுந்து மூதாட்டி உயிரிழப்பு

பெருந்துறை அருகே தரைமட்ட தண்ணீா்த் தொட்டியில் தவறி விழுந்து மூதாட்டி உயிரிழந்தாா்.

பெருந்துறையை அடுத்த விஜயமங்கலம், மூங்கில்பாளையத்தைச் சோ்ந்தவா் பொங்கியண்ணகவுண்டா் மனைவி ராமயாள்(87). கணவா் இறந்துவிட்ட நிலையில், குழந்தைகளும் இல்லாததால் தனியாக வசித்து வந்தாா்.

இந்நிலையில், வீட்டுக்கு அருகேயுள்ள தோட்டத்துக்குச் சென்றவா் அங்கிருந்த தரைமட்ட தண்ணீா்த் தொட்டியில் தவறி விழுந்து செவ்வாய்க்கிழமை உயிரிழந்தாா்.

இதுகுறித்து பெருந்துறை போலீஸாா் வழக்குப் பதிவு செய்து விசாரணை நடத்தி வருகின்றனா்.