பிடாரியூா் மாரியம்மன் கோயில் பொங்கல் விழா

சென்னிமலையை அடுத்த, பிடாரியூா் மாரியம்மன் கோயில் பொங்கல் விழா புதன்கிழமை நடைபெற்றது.

இக்கோயில் திருவிழா கடந்த 8- ஆம் தேதி பூச்சாட்டுதலுடன் தொடங்கியது. கம்பம் நடும் நிகழ்ச்சி 15- ஆம் தேதி நடைபெற்றது. இதைத் தொடா்ந்து, தினமும் பெண்கள் கம்பத்துக்கு புனித நீா் ஊற்றி வந்தனா். மேலும், தினமும் காலை, மாலையில் அம்மனுக்கு சிறப்பு பூஜைகள் நடைபெற்று வந்தன. மாவிளக்கு ஊா்வலம் செவ்வாய்க்கிழமை நடைபெற்றது. இதில் ஏராளமான பெண்கள் கலந்து கொண்டு மாவிளக்கு மற்றும் முளைப்பாரியுடன் கோயிலுக்கு வந்தனா்.

முக்கிய நிகழ்வான பொங்கல் விழா புதன்கிழமை நடைபெற்றது. இதில் முகாசிபிடாரியூா், கோவில்பாளையம், கொத்தம்பாளையம், கூரபாளையம், கொளத்துப்பாளையம் உள்ளிட்ட பகுதிகளைச் சோ்ந்த ஏராளமான பொதுமக்கள் கலந்துகொண்டு பொங்கல் வைத்து வழிபட்டனா். இரவு கம்பம் அகற்றும் நிகழ்ச்சி நடைபெற்றது.