தாளவாடியில் கடத்தப்பட்டதாக கூறப்படும் வடமாநிலத்தைச் சோ்ந்த ஜவுளி வியாபாரி விடுவிக்கப்பட்டாா்.

தாளவாடியில் வடமாநிலத்தைச் சோ்ந்த பவா்லால் மகன் கிஷோா்குமாா் (36) என்பவா் ஜவுளி வியாபாரம் செய்து வருகிறாா். இவா் ஜவுளிக் கடையை மூடிவிட்டு தாளவாடியில் புதன்கிழமை இரவு நடைப்பயிற்சி சென்று கொண்டிருந்தாா்.

அப்போது, அங்கு வந்த மா்ம நபா்கள் கிஷோா்குமாரை வாகனத்தில் கடத்திச் சென்றாத கூறப்படுகிறது. இது குறித்து தந்தை பவா்லால் அளித்த புகாரின்பேரில், தாளவாடி போலீஸாா் விசாரித்து வந்தனா்.

இந்நிலையில், கும்பாரகண்டி சாலையில் கிஷோா்குமாரை மா்ம கும்பல் வியாழக்கிழமை இரவு விடுவித்துள்ளது. வியாபாரி கட்டத்தப்பட்ட சம்பவத்தால் மனநிலை பாதிக்கப்பட்ட கிஷோா்குமாா், தாளவாடி ஆரம்ப சுகாதார நிலையத்தில் சோ்க்கப்பட்டாா்.

இது குறித்து தாளவாடி போலீஸாா் வழக்குப் பதிவு செய்து விசாரித்து வருகின்றனா்.