பவானி: பவானி அருகேயுள்ள மைலம்பாடி அரசு மேல்நிலைப் பள்ளியில் 11-ஆம் வகுப்பு படிக்கும் 109 மாணவ, மாணவிகளுக்கு விலையில்லா மிதிவண்டிகள் திங்கள்கிழமை வழங்கப்பட்டன.

இந்நிகழ்ச்சிக்கு, பள்ளியின்- பெற்றோா் ஆசிரியா் கழகத் தலைவா் அன்னை ஏ.ரவிசங்கா் தலைமை வகித்தாா். பவானி மத்திய ஒன்றிய திமுக பொறுப்பாளா் கா.சு.மகேந்திரன் முன்னிலை வகித்தாா். தலைமை ஆசிரியை மங்கையற்கண்ணி வரவேற்றாா். முன்னாள் அமைச்சரும், ஈரோடு மத்திய மாவட்ட திமுக பொறுப்பாளருமான தோப்பு என்.டி.வெங்கடாசலம் தலைமை வகித்து 109 மாணவ, மாணவிகளுக்கு விலையில்லா மிதிவண்டிகளை வழங்கினாா்.

உதவித் தலைமை ஆசிரியா் சுதா குமாா், பவானி வடக்கு ஒன்றிய திமுக செயலாளா் கே.ஏ.சேகா், திமுக சாா்பு அணிகளின் மாவட்ட துணை அமைப்பாளா்கள் பி.சதீஷ்குமாா், கே.எம்.சத்தியமூா்த்தி, சிங்காரவேல் உள்ளிட்டோா் பங்கேற்றனா்.