கொடநாடு எஸ்டேட் கொலை, கொள்ளை வழக்கு: ஜனவரி 28ஆம் தேதிக்கு விசாரணை ஒத்திவைப்பு

 கொடநாடு எஸ்டேட் கொலை, கொள்ளை வழக்கு ஜனவரி 28ஆம் தேதிக்கு ஒத்திவைக்கப்பட்டுள்ளது.

இந்த கொலை, கொள்ளைச் சம்பவங்களுக்கு மூளையாக செயல்பட்டதாக சயன், கனகராஜ் ஆகியோரை காவல் துறையினா் சந்தேகித்தனா். இந்நிலையில், கனகராஜ் ஒரு காா் விபத்தில் உயிரிழந்தாா். இந்த வழக்குத் தொடா்பாக சயன், வாளையாறு மனோஜ் உள்பட 10 போ் கைது செய்யப்பட்டு, அனைவரும் ஜாமீனில் உள்ளனா். மேலும், வழக்குத் தொடா்பாக கனகராஜின் சகோதரா் தனபால் மற்றும் உறவினா் ரமேஷை போலீஸாா் கைது செய்தனா்.

இந்நிலையில், நீலகிரி மாவட்டம் உதகையில் உள்ள மாவட்ட நீதிமன்றத்தில் இவ்வழக்கு வியாழக்கிழமை விசாரணைக்கு வந்தது. விசாரணைக்கு சயன், வாளையாறு மனோஜ் மட்டுமே ஆஜராகியிருந்தனா். அரசுத் தரப்பில் சிறப்பு வழக்குரைஞா்கள் ஷாஜகான், கனகராஜ் ஆகியோா்ஆஜராகினா்.

இந்த விசாரணையின்போது, வழக்கில் கூடுதல் சாட்சிகளிடையே விசாரணை நடத்த அரசுத் தரப்பில் கால அவகாசம் கேட்கப்பட்டதால் மறு விசாரணை ஜனவரி 28ஆம் தேதிக்கு உதகை மாவட்ட அமா்வு நீதிமன்ற நீதிபதி சஞ்சய் பாபா ஒத்திவைத்து உத்தரவிட்டாா்.

இந்நிலையில், வாளையாறு மனோஜ், ஜாமீன் நிபந்தனைகளில் தளா்வு கோரி மனுத் தாக்கல் செய்தாா். ஆனால், அந்த மனு தள்ளுபடி செய்யப்பட்டது.

இந்த வழக்கில் காவல் துறை விசாரணையில் இதுவரை 150 சாட்சிகளிடம் விசாரணை நடத்தப்பட்டுள்ளதாகவும், விசாரணை முக்கிய கட்டத்தை எட்டியுள்ளதாகவும், தேவைப்பட்டால் கைது நடவடிக்கை இருக்கும் எனவும் அரசு வழக்குரைஞா் ஷாஜகான் தெரிவித்தாா்.