உதகையில் ஹயாத்துல் இஸ்லாம் மதரஸா சாா்பில் 58ஆம் ஆண்டு விழா, மீலாது விழா, கந்தூரி விழா ஆகிய முப்பெரும் விழா பெரிய பள்ளிவாசலில் வியாழக்கிழமை நடைபெற்றது.

இவ்விழாவையொட்டி, பகல் 12 மணி முதல் கந்தூரி உணவு வழங்கப்பட்டது. பிற்பகல் 3 மணிக்கு மதரஸா மாணவா்களின் கலைநிகழ்ச்சிகள் நடைபெற்றன. தொடா்ந்து, இரவு 7 மணிக்கு உலகம் முழுவதும் கரோனாவில் இருந்து விடுபடவும், கரோனாவால் பாதிக்கப்பட்ட மக்கள் பூரண குணமடையவும் தொழுகை நடைபெற்றது. இதையடுத்து, மவுலானா ஷாஜஹான் சிறப்பு சொற்பொழிவாற்றினாா்.

இந்நிகழ்ச்சியில், ஹாஜிக்கள் உஸ்மான், உபயதுல்லா, கவுஸ், அப்துல் கலாம், நிா்வாகிகள் பலா் கலந்துகொண்டனா்.