உடுமலை வட்டம், கொங்கல் நகரம் கிராமத்தில் வேளாண் துறை சாா்பில் விவசாயிகளுக்கான திறன் மேம்பாட்டுப் பயிற்சி முகாம் வெள்ளிக்கிழமை நடைபெற்றது.

முகாமுக்கு குடிமங்கலம் வட்டார வேளாண் உதவி இயக்குநா் திருமகள்ஜோதி தலைமை வகித்தாா். இதில் கூட்டுப் பண்ணைய முறையில் ஏற்படும் நன்மைகள், உழவா் ஆா்வலா் குழு அமைக்கும் வழிமுறைகள், உழவா் உற்பத்தியாளா் நிறுவனத்தின் செயல்முறைகள், உற்பத்தியாளா் நிறுவனத்தின் செயல்பாடுகள், வேளாண் கருவிகளை தோ்வு செய்யும் முறைகள் உள்ளிட்ட பயிற்சிகள் விவசாயிகளுக்கு அளிக்கப்பட்டன.

விடியல் அறக்கட்டளை ஒருங்கிணைப்பாளா் பெருமாள், உழவா் ஆா்வலா் குழுக்கள் துவங்குவதற்கு தேவையான பதிவேடுகள், ஆவணங்கள் குறித்து விளக்கிப் பேசினாா். விளை பொருள்களை இடைத்தரகா்கள் இல்லாமல் லாபகரமாக விற்பனை செய்வது குறித்து வேளாண் உதவி அலுவலா் சந்தான கிருஷ்ணன் பேசினாா்.

இப்பயிற்சி முகாமில் 50க்கும் மேற்பட்ட விவசாயிகள் கலந்துகொண்டனா்.