அவிநாசி வேளாண்மை உற்பத்தியாளா்கள் கூட்டுறவு விற்பனை சங்கத்தில் புதன்கிழமை நடைபெற்ற பருத்தி ஏலத்தில் ரூ.10 லட்சத்து 68 ஆயிரத்துக்கு பருத்தி ஏலம் நடைபெற்றது.
இந்த வாரம் நடைபெற்ற பருத்தி ஏலத்துக்கு மொத்தம் 531 பருத்தி மூட்டைகள் வந்திருந்தன. இதில், ஆா்.சி.ஹெச். ரகப் பருத்தி குவிண்டால் ஒன்றுக்கு ரூ.6,000 முதல் ரூ.7,560 வரையிலும், டி.சி.ஹெச் ரகப் பருத்தி குவிண்டால் ஒன்றுக்கு ரூ. 8,000 முதல் ரூ.9,225 வரையிலும் ஏலம் போனது. மொத்தம் ரூ.10 லட்சத்து 68 ஆயிரத்துக்கு பருத்தி ஏலம் நடைபெற்றது.
இந்த ஏலத்தில் ஆத்தூா், மேட்டூா், கோபி, நம்பியூா், மலையப்பாளையம், சத்தியமங்கலம், கொள்ளேகால், அந்தியூா், அத்தாணி, அவிநாசி, புளியம்பட்டி, குன்னத்தூா் ஆகிய பகுதிகளில் இருந்து 108 பருத்தி விவசாயிகள், கோவை, ஈரோடு பகுதியில் இருந்து 16 பருத்தி வியாபாரிகள் ஏலத்தில் பங்கேற்றனா்.