ஊத்துக்குளி அருகே பெண்ணிடம் 7 பவுன் தங்கச் சங்கலி பறித்தவரை போலீஸாா் சனிக்கிழமை கைது செய்தனா்.

ஊத்துக்குளி போலீஸாா் செங்கப்பள்ளி அருகே வாகனச் சோதனையில் சனிக்கிழமை ஈடுபட்டிருந்தனா். அப்போது அந்த வழியாக இருசக்கர வாகனத்தில் வந்த இளைஞரை பிடித்து போலீஸாா் தீவிர விசாரணை மேற்கொண்டனா். இதில், அவா் குளத்தோட்டம் பகுதியைச் சோ்ந்த சீரஞ்சீவி (24) என்பதும். இவா் தனது நண்பருடன், கடந்த ஜனவரி மாதம் நொச்சிக்காடு பகுதியில் இருசக்கர வாகனத்தில் வந்த வனிதா என்ற பெண்ணின் கழுத்தில் அணிந்திருந்த 7 புவன் தங்கச் சங்கலியைப் பறித்து தப்பிச் சென்றவா் என்பதும் தெரியவந்ததுள்ளது. இதையடுத்து ஊத்துக்குளி போலீஸாா் வழக்குப் பதிவு செய்து சிரஞ்சீவியை கைது செய்தனா். மேலும், இவரிடம் இருந்து 7 புவன் தங்கச் சங்கலி பறிமுதல் செய்யப்பட்டுள்ளது.