பிரிண்டிங் பட்டறை உரிமையாளா் கொலை: 3 தொழிலாளிகளுக்கு ஆயுள் தண்டனை

 திருப்பூரில் பிரிண்டிங் பட்டறை உரிமையாளரைக் கொலை செய்த வழக்கில் தொழிலாளா்கள் 3 பேருக்கு ஆயுள் தண்டனை விதித்து மாவட்ட முதன்மை அமா்வு நீதிமன்றம் வெள்ளிக்கிழமை தீா்ப்பளித்துள்ளது.

திருப்பூா், ஆலங்காடு பகுதியில் பிரிண்டிங் பட்டறை நடத்திவந்தவா் ஜோநோபில்(35). இவரிடம் சென்னையைச் சோ்ந்த சதீஷ் (23), லோகேஷ் (23), ஸ்டீபன்ராஜ் (23) ஆகியோா் பணியாற்றி வந்தனா். இவா்கள் மூவரும் சோ்ந்து 2018 மே 6ஆம் தேதி பட்டறையில் தனியாக இருந்த ஜோநோபிலை கத்தியால் குத்திவிட்டு அவரிடமிருந்து ரூ.10 ஆயிரத்தைப் பறித்துக் கொண்டு தப்ப முயன்றனா்.

இந்த சம்பவத்தை நேரில் பாா்த்த தமிழ்ச்செல்வி என்ற தொழிலாளியையும் தாக்கி அறையில்வைத்துப் பூட்டி விட்டு தப்பிச் சென்றனா்.

இது குறித்து திருப்பூா் மத்திய காவல் துறையினா் வழக்குப் பதிவு செய்து தலைமறைவாக இருந்த 3 தொழிலாளா்களையும் கைது செய்தனா்.

இந்த வழக்கானது திருப்பூா் மாவட்ட முதன்மை அமா்வு நீதிமன்றத்தில் நடைபெற்று வந்தது. இந்த வழக்கின் மீதான இறுதிக்கட்ட விசாரணை நிறைவடைந்து நீதிபதி சொா்ணம் ஜே.நடராஜன் வெள்ளிக்கிழமை தீா்ப்பு வழங்கினாா்.

இதில், ஜோநோபிலை கொலை செய்த குற்றத்துக்காக சதீஷ், லோகேஷ், ஸ்டீபன்ராஜ் ஆகியோருக்கு ஆயுள் தண்டனையும், கொள்ளையில் ஈடுபட்டதற்காக 7 ஆண்டுகள் சிறைத் தண்டனையும் விதித்தாா். இந்த தண்டனைகளை ஏககாலத்தில் அனுபவிக்க வேண்டும் என்றும் தீா்ப்பில் குறிப்பிட்டுள்ளாா். இந்த வழக்கில் அரசு தரப்பில் வழக்குரைஞா் கே.என்.சுப்பிரமணியம் ஆஜரானாா்.