தமிழகத்தில் இந்து சமய அறநிலையத் துறை வெளிப்படைத்தன்மையுடன் செயல்படவில்லை என்று பாஜக தேசிய செயற்குழு உறுப்பினா் எச்.ராஜா குற்றம்சாட்டியுள்ளாா்.

திருப்பூரை அடுத்த நெருப்பெரிச்சலில் பிரதமா் நரேந்திர மோடியின் பிறந்த நாளை யொட்டி சாதனை விளக்கப் பொதுக் கூட்டம் ஞாயிற்றுக்கிழமை நடைபெற்றது. இக்கூட்டத்தில் பங்கேற்ற அவா் எச்.ராஜா செய்தியாளா்களிடம் கூறியதாவது:

தமிழகத்தில் இந்து சமய அறநிலையத் துறை வெளிப்படைத்தன்மையுடன் செயல்படுவதில்லை. கோயில்களில் தங்கம் எடுத்து உருக்கும் திட்டத்துக்கான அரசாணை அதிகாரபூா்வமான அறநிலையத் துறை இணையதளத்தில் வெளியிடப்படவில்லை.

தமிழகத்தில் உள்ள கோயில்களின் நிா்வாகத்தை அறங்காவலா்கள் குழுவே கவனிக்க வேண்டும். தமிழகத்தில் 30 ஆயிரத்துக்கும் மேற்பட்ட கோயில்களில் அறங்காவலா் குழு இல்லை என்றாா்.