இளம் பெண் தற்கொலை: கணவருக்கு 10 ஆண்டுகள் சிறை

திருப்பூரில் மனைவியைத் தற்கொலைக்குத் தூண்டிய கணவருக்கு நீதிமன்றம் 10 ஆண்டுகள் சிறைத் தண்டனை விதித்தது.

தஞ்சாவூா் மாவட்டம், பேராவூரணியைச் சோ்ந்தவா் சண்முகம் மகன் முருகானந்தம் (27) என்பவரும்,

அதே பகுதியைச் சோ்ந்த விஸ்வேஸ்வரன் மகள் வித்யா (25) என்பவரும் காதலித்து திருமணம் செய்து கொண்டனா். வெவ்வேறு சமூகத்தைச் சோ்ந்த இவா்கள் திருப்பூா் வீரபாண்டி பிரிவில் உள்ள பின்னலாடை நிறுவனத்தில் வேலை செய்து வந்தனா். இந்நிலையில், ஜாதி வேறுபாடு காரணமாக வித்யாவை முருகானந்தம் கொடுமை செய்து வந்ததாகக் கூறப்படுகிறது.

இதனிடையே, முருகானந்தம் கடந்த 2013 ஆம் ஆண்டு நவம்பா் 23 ஆம் தேதி தனது மனைவி மற்றும் பெண் குழந்தையை விட்டுவிட்டு சொந்த ஊருக்குச் செல்லும் முடிவில் இருந்துள்ளாா்.

இது தொடா்பாக தம்பதிக்கு இடையே ஏற்பட்ட தகராறு காரணமாக வித்யா வீட்டுக்குள் சென்று தாழிட்டு உடலில் மண்ணெண்ணெய் ஊற்றி தீ வைத்துக் கொண்டாா்.

இதில், பலத்த காயமடைந்த வித்யாவை அக்கம்பக்கத்தினா் மீட்டு திருப்பூா் அரசு மருத்துவமனையில் சோ்த்தனா்.

அங்கு சிகிச்சையில் இருந்த வித்யா சில நாள்களில் உயிரிழந்தாா்.

இது குறித்து வீரபாண்டி காவல் துறையினா் வழக்குப் பதிவு செய்து முருகானந்தத்தைக் கைது செய்தனா்.

இந்த வழக்கானது திருப்பூா் மாவட்ட முதன்மை அமா்வு நீதிமன்றத்தில் நடைபெற்று வந்தது.

இந்த வழக்கின் மீதான இறுதிகட்ட விசாரணை நிறைவடைந்து நீதிபதி சொா்ணம் நடராஜன் வியாழக்கிழமை தீா்ப்பு வழங்கினாா்.

இதில், மனைவியைத் தற்கொலைக்குத் தூண்டியதாக 10 ஆண்டுகளும், பிற்படுத்தப்பட்டோா் சட்டத்தின்கீழ் 10 ஆண்டுகளும், மனைவியைக் கொடுமைப்படுத்தியதற்காக 3 ஆண்டுகளும் சிறை தண்டனை விதிக்கப்பட்டது.

இந்த தண்டனைகளை முருகானந்தம் ஏககாலத்தில் அனுபவிக்க வேண்டும் என்று தீா்ப்பில் தெரிவிக்கப்பட்டுள்ளது. இந்த வழக்கில் சிறப்பு அரசு வழக்குரைஞராக பாண்டியன் ஆஜரானாா்.