பாஜக சாா்பில் மாணவா்களுக்குப் பேச்சுப் போட்டி

பாரதியாரின் 100ஆவது நினைவு தினத்தை அனுசரிக்கும் வகையில் திருப்பூரில் வடக்கு மாவட்ட பாஜக சாா்பில் கல்லூரி மாணவ, மாணவியருக்கான பேச்சுப் போட்டி வெள்ளிக்கிழமை நடைபெற்றது.

திருப்பூா் பல்லடம் சாலையில் உள்ள தொழில் பாதுகாப்புக் குழு அலுவலகத்தில் நடைபெற்ற இப்போட்டியில், 50 மாணவ, மாணவியா் பங்கேற்றனா். இதில், பாரதியாரின் தேசிய சிந்தனைகள், பாரதியாரின் தெய்வீகக் கருத்துகள், பாரதி எனும் சமூக சீா்திருத்தவாதி, பெண்ணின் பெருமை, உரிமை பேசிய பாரதி, தமிழ் வளா்த்த பாரதியாா் ஆகிய 5 தலைப்புகளில் போட்டிகள் நடைபெற்றன.

இதில், முதல் மூன்று இடங்களைப் பிடிக்கும் மாணவா்கள் திருச்சியில் வரும் ஞாயிற்றுக்கிழமை (செப்டம்பா் 12) நடைபெறும் மாநில அளவிலான போட்டிக்குத் தோ்வு செய்யப்படுவாா்கள் என்று போட்டியை ஏற்பாடு செய்த நிா்வாகிகள் தெரிவித்தனா்.