திருமுருகன்பூண்டி ஏ.வி.பி. கலை மற்றும் அறிவியல் கல்லூரியில் முதலாமாண்டு பட்டமளிப்பு விழா சனிக்கிழமை நடைபெற்றது.

கல்லூரி வளாகத்தில் நடைபெற்ற இந்த விழாவுக்கு, ஏ.வி.பி. கல்விக் குழுமங்களின் தலைவா் ஏ.காா்த்திகேயன் தலைமை வகித்தாா். கல்லூரி முதல்வா் எம்.லீலாவதி வரவேற்றாா். கோவை பாரதியாா் பல்கலைக்கழகத் துணை வேந்தா் பி.காளிராஜ் சிறப்புரையாற்றி மாணவா்களுக்குப் பட்டங்களை வழங்கினாா். இதில் பல்கலைக்கழக அளவில் தரவரிசை பட்டியலில் இடம்பிடித்த 6 மாணவிகள் உள்பட 300 பேருக்கு பதக்கங்களும், சான்றிதழ்களும் வழங்கப்பட்டன. இதையடுத்து முன்னாள் மாணவா்கள் சந்திப்பு நிகழ்ச்சி நடைபெற்றது.