வெள்ளக்கோவில் முருங்கைக் காய் சந்தைக்கு ஞாயிற்றுக்கிழமை 28 டன் முருங்கைக் காய் வரத்து இருந்தது.

வெள்ளக்கோவில் பகுதியில் விளையும் முருங்கைக் காய்கள், இப்பகுதியில் செயல்பட்டு வரும் வாரச் சந்தைகள் மற்றும் தனியாா் கொள்முதல் மையங்களில் விற்பனை செய்யப்படுகின்றன. வெள்ளக்கோவில் முத்தூா் சாலையில் வாரந்தோறும் ஞாயிற்றுக்கிழமை தனியாா் கொள்முதல் மையம் செயல்பட்டு வருகிறது.

இந்த வாரம் கரும்பு முருங்கைக் காய் கிலோ ரூ.14, செடி முருங்கைக் காய் ரூ. 13, மர முருங்கைக் காய் கிலோ ரூ.10க்கு விவசாயிகளிடமிருந்து வியாபாரிகள் கொள்முதல் செய்தனா். கடந்த வாரமும் இதே விலை நிலவரம் இருந்தது.