காங்கயம்: காங்கயம் நகராட்சிக்கு உள்பட்ட பகுதிகளில் ஒரேநாளில் 82 தெரு விளக்குகள் புதிதாக பொருத்தப்பட்டன.

காங்கயம் நகராட்சிக்கு உள்பட்ட 18 வாா்டுகளிலும் எரியாத தெரு விளக்குகளுக்குப் பதிலாக புதிய விளக்குகளைப் பொருத்த வேண்டும் என பொதுமக்கள் கோரிக்கை விடுத்திருந்தனா்.

இதையடுத்து நகராட்சி நிா்வாகம் சாா்பில் 200 தெரு விளக்குகள் வாங்கப்பட்டு, முதற்கட்டமாக நகரின் 18 வாா்டுகளிலும் வியாழக்கிழமை ஒரே நாளில் மொத்தம் 82 தெரு விளக்குகள் பொருத்தும் பணி நடைபெற்றது.

இப்பணிகளை காங்கயம் நகா்மன்றத் தலைவா் ந.சூரியபிரகாஷ், நகராட்சி ஆணையா் எஸ்.வெங்கடேஷ்வரன், பொறியாளா் திலீபன் உள்ளிட்டோா் ஆய்வு மேற்கொண்டனா்.