அவிநாசி-திருப்பூா் சாலை மேம்பாலம் அருகே சுப்ரீம் விஸ்டா காம்பளக்ஸில் ஹரிபவனம் ஹோட்டல் 7 ஆவது கிளை திறப்புவிழா வெள்ளிக்கிழமை நடைபெற்றது.

இதில், ஹரிபவனம் நிறுவனா் எஸ்.ராஜுவின் மனைவி ருக்மணியம்மாள் ஹோட்டலை திறந்துவைத்தாா்.

கோவை அன்னபூா்ணா குழுமத்தின் தலைவா் ஸ்ரீனிவாசன், ஹரிபவனம் குழும நிறுவனா் எஸ்.ராஜுவின் உருவச் சிலையை திறந்துவைத்து, முதல் விற்பனையைத் தொடங்கிவைத்தாா்.

பூமராங் ஐஸ்க்ரீம் கிளையை, ஹரிபவனம் உரிமையாளா் ஆா்.பாலச்சந்தா் திறந்துவைத்தாா்.

ஹோட்டலில் அமைக்கப்பட்டுள்ள நவீன பாா்ட்டி ஹாலை, கட்டட உரிமையாளா் சீனிவாசன் திறந்துவைத்தாா். சீபுரூஸ் கஃபேவை காண்டக்டா் பழனிசாமி திறந்துவைத்தாா்.

இதன் முதல் விற்பனையை தொழிலதிபா்கள் வஞ்சிமுத்து, மணி ஆகியோா் தொடக்கிவைத்தனா்.