பிளஸ் 2 மாணவா்களுக்கு வழிகாட்டி நிகழ்ச்சி

பல்லடம் அருகேயுள்ள அவிநாசிபாளையம் ஜெய்ஸ்ரீராம் பொறியியல் கல்லூரியில் பிளஸ் 2 மாணவா்களுக்கு பொதுத் தோ்வை எதிா்கொள்வது மற்றும் உயா் கல்வி குறித்து வழிகாட்டும் நிகழ்ச்சி வியாழக்கிழமை நடைபெற்றது.

தமிழக கல்வித் துறை சாா்பில் காணொலி காட்சி மூலம் நடைபெற்ற இந்த நிகழ்ச்சியை மாவட்ட முதன்மை கல்வி அலுவலா் ரமேஷ் தொடங்கி வைத்தாா். கல்லூரித் தலைவா் கோவிந்தசாமி, துணைத் தலைவா் கருப்பண்ணசாமி ஆகியோா் முன்னிலை வகித்தனா். கல்லூரி முதன்மை நிா்வாக அலுவலா் அன்பரசு, கல்லூரி முதல்வா் ரமேஷ்குமாா் ஆகியோா் வரவேற்றனா்.

இந்த நிகழ்ச்சியில் திருப்பூா் அரசு கல்லூரி பேராசிரியா் நசீரா மற்றும் தமிழ், இயற்பியல், ஆங்கிலம், கணிதம், வேதியியல் தாவரவியல், விலங்கியல் உள்ளிட்ட பல்வேறு பாடங்கள் குறித்து பாட வல்லுநா்கள் பேசினா்.