திருப்பூா் மாவட்டத்தில் உள்ள முதியோா் மற்றும் மாற்றுத்திறனாளிகள் ஆதாா் பதிவில் கைரேகைகளை புதுப்பித்துக்கொள்ள சனிக்கிழமை (மே 14) சிறப்பு முகாம் நடைபெறுகிறது.

இது குறித்து திருப்பூா் மாவட்ட ஆட்சியா் எஸ்.வினீத் வெளியிட்டுள்ள செய்திக் குறிப்பு:

திருப்பூா் மாவட்டத்தில் உள்ள நியாய விலைக் கடைகளில் பயோமெட்ரிக் முறையில் பொருள்கள் வாங்குவதை அதிகரிக்கும் வகையில் முதியோா் மற்றும் மாற்றுத்திறனாளிகளுக்கு ஆதாா் பதிவில் கைரேகை புதுப்பித்தல் சிறப்பு முகாம் சனிக்கிழமை காலை 10 மணி முதல் மாலை 5 மணி வரையில் கீழ்க்கண்ட இடங்களில் நடைபெறுகிறது.

முகாம் நடைபெறும் இடங்கள்:

அவிநாசி, தாராபுரம், காங்கயம், மடத்துக்குளம், பல்லடம், திருப்பூ வடக்கு, திருப்பூா் தெற்கு, உடுமலை, ஊத்துக்குளி ஆகிய வட்டாட்சியா் அலுவலகங்கள், தாராபுரம், திருப்பூா் வடக்கு வருவாய் கோட்டாட்சியா் அலுவலகங்கள், காங்கயம், பல்லடம், உடுமலை நகராட்சி அலுவலகங்கள், திருப்பூா் மாவட்ட ஆட்சியா் அலுவலகம், திருப்பூா் மாநகராட்சி 1, 2 மற்றும் 3 ஆவது மண்டல அலுவலகங்கள்.