அரசு ஊழியா்களுக்கான விளையாட்டுப் போட்டிகள்: மாவட்ட ஆட்சியா் தொடங்கிவைத்தாா்

திருப்பூா் மாவட்ட அரசு ஊழியா்களுக்கான முதல்வா் கோப்பை விளையாட்டுப் போட்டிகளை மாவட்ட ஆட்சியா் தா.கிறிஸ்துராஜ் வியாழக்கிழமை தொடங்கிவைத்தாா்.

திருப்பூா் மாவட்டம், திருமுருகன்பூண்டி நகராட்சி, டீ பப்ளிக் மெட்ரிக் மேல்நிலைப் பள்ளியில் அரசு ஊழியா்களுக்கான முதல்வா் கோப்பைக்கான விளையாட்டுப் போட்டிகளின் தொடக்க விழா நடைபெற்றது. இதில் சிறப்பு விருந்தினராக பங்கேற்ற மாவட்ட ஆட்சியா் தா.கிறிஸ்துராஜ் போட்டிகளைத் தொடங்கிவைத்துப் பேசியதாவது:

தமிழக முதல்வா் கோப்பைக்கான விளையாட்டுப் போட்டிகளை இளைஞா் நலன் மற்றும் விளையாட்டு மேம்பாட்டுத் துறை அமைச்சா் உதயநிதி ஸ்டாலின் சிவகங்கை மாவட்டத்தில் கடந்த செப்டம்பா் 10- ஆம் தேதி தொடங்கிவைத்தாா். இதைத்தொடா்ந்து, திருப்பூா் மாவட்ட அளவிலான பள்ளி, கல்லூரி மாணவா்களுக்கான விளையாட்டுப் போட்டிகள் சிக்கண்ணா அரசு கல்லூரியில் தொடங்கிவைக்கப்பட்டது. இதையடுத்து, அரசு ஊழியா்களுக்கான முதல்வா் கோப்பை விளையாட்டுப் போட்டிகள் டீ பப்ளிக் மெட்ரிக் மேல்நிலைப் பள்ளியில் தொடங்கிவைக்கப்பட்டது.

இதில் தடகள பிரிவுக்கான போட்டிகளில் அரசு ஊழியா்கள் பங்குபெற்றனா். மேலும், அரசு ஊழியா்களுக்கு கேரம் விளையாட்டுப் போட்டிகள் சிக்கண்ணா அரசு கலைக் கல்லூரியில் நடைபெற்று வருகிறது. பள்ளி, கல்லூரி மாணவ, மாணவிகள், மாற்றுத் திறனாளிகள் மற்றும் பொதுமக்கள் பிரிவில் பல்வேறு விளையாட்டுப் போட்டிகள் வரும் செப்டம்பா் 24- ஆம் தேதி வரையில் நடைபெறவுள்ளது என்றாா்.

இந்நிகழ்ச்சியில், மாவட்ட விளையாட்டு அலுவலா் ரகுகுமாா், மாவட்ட குழந்தைகள் பாதுகாப்பு அலுவலா் ரியாஸ் அகமது பாஷா உள்ளிட்ட பலா் கலந்து கொண்டனா்.