தருமபுரி பிஎஸ்என்எல் சார்பில் இலவச தொழில்நுட்பப் பயிற்சி

தருமபுரி பி.எஸ்.என்.எல். சார்பில் இலவச தொழில்நுட்பப் பயிற்சி அளிக்கப்படுவதாக அதன் மாவட்ட முதன்மை பொதுமேலாளர் கே.வெங்கடராமன் தெரிவித்தார்.
இதுகுறித்து ஞாயிற்றுக்கிழமை அவர் வெளியிட்ட செய்திக் குறிப்பு: 
தமிழக அரசின் திறன் மேம்பாட்டுக் கழகம் மற்றும் தொலைத்தொடர்பு நிறுவனம் இணைந்து இலவச தொழில்நுட்பப் பயிற்சி வகுப்புகள் நடத்தப்பட உள்ளன. 10-ஆம் வகுப்பு முதல் பட்டப் படிப்பு வரை கல்வி தகுதி உள்ளவர்கள் இப் பயிற்சியில் சேரலாம். இப்பயிற்சி பெற விரும்புவோர் h‌t‌t‌p://‌r‌g‌m‌t‌t​c.​b‌s‌n‌l.​c‌o.‌i‌n/‌j‌o​b‌p‌o‌r‌t​a‌ என்ற இணையதளத்தில் பதிவு செய்யலாம். மேலும், பயிற்சி பெறுவோருக்கு நாளொன்றுக்கு ரூ.100 போக்குவரத்துப்படி வழங்கப்படும். பயிற்சி பெற இணயத்தில் பதிவு செய்தவர்கள் தங்களது ஆவணங்களுடன் வருகிற செப்.5-ஆம் தேதி தருமபுரி பாரதிபுரத்தில் உள்ள தொலைத்தொடர்பு பொதுமேலாளர் அலுவலகத்துக்கு நேரில் வருமாறு கேட்டுக் கொள்ளப்பட்டுள்ளது.